មន្ត្រី​សហ​ភា​ព​អឺរ៉ុប​ព្រមាន​ថាអ៊ុយក្រែន​នឹង​ខា​តបង់​យ៉ាង​ឆាប់រហ័ស​ប្រសិនបើ​លោក​ខាងលិច​មិន​ផ្តល់​ជំនួយ​​សព្វាវុធ

មន្ត្រីគោលនយោបាយការបរទេសរបស់សហភាពអឺរ៉ុបលោកJosep Borrellបាននិយាយថាជម្លោះនៅអ៊ុយក្រែនអាចបញ្ចប់យ៉ាងឆាប់រហ័សក្នុងរយៈពេលពីរបីសប្តាហ៍។ប្រសិនបើលោកខាងលិចមិនផ្តល់ជំនួយយោធាដល់ទីក្រុងគៀវ។

មន្ត្រីគោលនយោបាយការបរទេសរបស់សហភាពអឺរ៉ុបលោកJosep Borrell។Reuters

ទីភ្នាក់ងារ​ព័ត៌មាន Commonspace.eu និងTassបាន​ដក​ស្រង់​សម្ដី​លោក Borrell ដែល​ថ្លែង​នៅ​សាកលវិទ្យាល័យ Oxford នៅ​ថ្ងៃ​ទី ៣ ខែ​ឧសភា។ មន្ត្រីការទូតកំពូលរបស់សហភាពអឺរ៉ុប (EU) បានបន្ថែមថា ការពន្យារពេលរបស់សហរដ្ឋអាមេរិកក្នុងជំនួយដល់ទីក្រុងគៀវ អាចធ្វើឱ្យមានភាពខុសគ្នាទាំងអស់ "រវាងជ័យជម្នះនិងបរាជ័យ"។ទោះជាយ៉ាងណាក៏ដោយ លោក Borrell បាននិយាយថា ការបញ្ចប់ជម្លោះនៅអ៊ុយក្រែនតាមវិធីខាងលើនឹងមិនមែនជាអ្វីដែលលោកនិងអ្នកផ្សេងទៀតនៅអឺរ៉ុបចង់បាននោះទេ។ដូច្នេះអឺរ៉ុបនឹងធ្វើអ្វីៗតាមដែលអាចធ្វើបានដើម្បីគាំទ្រអ៊ុយក្រែនក្នុងលក្ខខណ្ឌនៃការគាំទ្រផ្នែកយោធា និងនយោបាយ។ធ្វើអត្ថាធិប្បាយលើសេចក្តីថ្លែងការណ៍របស់លោក Borrell អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បាននិយាយថា"រូបមន្តសន្តិភាព"សម្រាប់អ៊ុយក្រែនគឺកាត់ផ្តាច់ការផ្គត់ផ្គង់សព្វាវុធរបស់លោកខាងលិចដល់រដ្ឋាភិបាលក្រុងគៀវ។មុននេះប្រធានាធិបតីស្វីសViolaAmherdបាននិយាយថាប្រទេសរបស់នាងនឹងធ្វើជាម្ចាស់ផ្ទះសន្និសីទស្តីពីអ្វីដែលគេហៅថា"រូបមន្តសន្តិភាព"របស់អ៊ុយក្រែននៅរមណីយដ្ឋានBurgenstockក្បែរបឹងLucerneនៅកណ្តាលប្រទេសស្វីសក្នុងខែមិថុនា។ស្ថានទូតរុស្ស៊ីបានបញ្ជាក់ថា"អាជ្ញាធរស្វីសមិនបានផ្ញើលិខិតអញ្ជើញរុស្ស៊ីឱ្យចូលរួមសន្និសីទនៅទីក្រុង Burgenstock" ។ អ្នកនាំពាក្យវិមានក្រឹមឡាំង លោកDmitryPeskovបាននិយាយថាការចរចាណាមួយស្តីពីអ៊ុយក្រែនដោយគ្មានរុស្ស៊ីគឺគ្មានន័យហើយជាការពិត"ដំណើរការចរចាដោយគ្មានគោលបំណង"៕ពុតសាម៉ាត់