ក្នុងរយៈពេល៤ខែដំបូងភ្ញៀវទេសចរអន្តរជាតិទៅទស្សនាប្រាសាទអង្គរវត្តកើនឡើង៤១%
Xinhuaបានឲ្យដឹងថាភ្ញៀវទេសចរអន្តរជាតិមកទស្សនាប្រាសាទអង្គរវត្តដ៏ល្បីល្បាញរបស់កម្ពុជាបានកើនឡើង៤១%ក្នុងរយៈពេល៤ខែដំបូងនៃឆ្នាំ២០២៤ នេះបើយោងតាមរបាយការណ៍ពីសហគ្រាសរដ្ឋអង្គរនៅថ្ងៃទី៣ខែឧសភា ឆ្នាំ ២០២៤។
 |
| រូបភាពសហការី |
របាយការណ៍បានឱ្យដឹងថា ប្រាសាទអង្គរវត្តទទូលបានភ្ញៀវទេសចរបរទេសចំនួន ៤២១,៣៧៩នាក់ក្នុងអំឡុងពេលខែមករាដល់ខែមេសាឆ្នាំនេះ កើនឡើង៤១ភាគរយ ពីចំនួន ២៩៨,៩៩៨នាក់ ក្នុងរយៈពេលដូចគ្នាកាលពីឆ្នាំមុន។របាយការណ៍បានបន្ថែមថា ប្រាក់ចំណូលពីការលក់សំបុត្ររបស់រមណីដ្ឋានបុរាណអង្គរ មានចំនួន ១៩,៩លានដុល្លារកើនឡើង ៤២% ពី ១៤លានដុល្លារក្នុងរយៈពេលដូចគ្នាកាលពីឆ្នាំមុន។របាយការណ៍បានឱ្យដឹងថា ប្រទេសចិនគឺជាប្រភពភ្ញៀវទេសចរអន្តរជាតិដ៏សំខាន់បំផុតទី៥ មកកាន់រមណីដ្ឋានបុរាណអង្គរ បន្ទាប់ពីសហរដ្ឋអាមេរិក ចក្រភពអង់គ្លេស បារាំង និងកូរ៉េខាងត្បូង។របាយការណ៍បានបន្ថែមថា ភ្ញៀវទេសចរណ៍ចិនចំនួន ២៨,១៧២ នាក់ បានមកទស្សនាឧទ្យានអង្គរ កើនឡើង ៥៣% ពីចំនួន ១៨,៤៣៧នាក់។ស្ថិតនៅភាគពាយ័ព្យនៃខេត្តសៀមរាប ឧទ្យានបុរាណអង្គរដែលមានទំហំ ៤០១ គីឡូម៉ែត្រការ៉េ ដែលមានប្រាសាទបុរាណចំនួន៩១ ដែលត្រូវបានសាងសង់ពីសតវត្សទី៩ ដល់សតវត្សទី១៣។ប្រាសាទអង្គរវត្តដែលត្រូវបានចុះក្នុងបញ្ជីបេតិកភណ្ឌពិភពលោករបស់អង្គការអប់រំ វិទ្យាសាស្ត្រ និងវប្បធម៌របស់អង្គការសហប្រជាជាតិ (UNESCO) ក្នុងឆ្នាំ១៩៩២ គឺជាគោលដៅទេសចរណ៍ដ៏ពេញនិយមបំផុតនៅក្នុងប្រទេសកម្ពុជា។កម្ពុជាបានដាក់ចេញនូវយុទ្ធនាការ «ទស្សនាខេត្តសៀមរាបឆ្នាំ២០២៤» ឆ្នាំផ្លាស់ប្តូរប្រជាជនកម្ពុជា-ចិនឆ្នាំ២០២៤ និងឆ្នាំទេសចរណ៍កម្ពុជា-ឥណ្ឌា ក្នុងគោលបំណងស្តារវិស័យទេសចរណ៍ឡើងវិញ។សម្តេចនាយករដ្ឋមន្ត្រី ហ៊ុន ម៉ាណែត បានមានប្រសាសន៍នៅក្នុងសន្ទរកថា ក្នុងពិធីបើកយុទ្ធនាការ “ទស្សនាខេត្តសៀមរាប ឆ្នាំ២០២៤” ក្នុងខែមីនា ថា “គំនិតផ្តួចផ្តើមទាំងនេះនឹងផ្តល់ការជំរុញដល់វិស័យទេសចរណ៍ ទាក់ទាញភ្ញៀវទេសចរបរទេសកាន់តែច្រើនមកកម្ពុជាជាទូទៅ និងមកទស្សនាប្រាសាទអង្គរវត្ត ជាពិសេស”។សម្តេចបានមានប្រសាសន៍ថា អាកាសយានដ្ឋានអន្តរជាតិសៀមរាបអង្គរដែលវិនិយោគដោយចិន ដែលបានបើកដំណើរការជាផ្លូវការកាលពីខែវិច្ឆិកាឆ្នាំមុន កំពុងក្លាយជាមេដែកដ៏មានសក្តានុពលក្នុងការទាក់ទាញភ្ញៀវទេសចរអន្តរជាតិមកទស្សនាប្រាសាទអង្គរវត្ត។ជាមួយនឹងផ្លូវរត់ប្រវែង ៣៦០០ ម៉ែត្រ អាកាសយានដ្ឋានអន្តរជាតិកម្រិត 4E បច្ចុប្បន្នគឺជាអាកាសយានដ្ឋានដ៏ធំបំផុតរបស់ព្រះរាជាណាចក្រ និងជាច្រកអន្តរជាតិដ៏សំខាន់ទៅកាន់ប្រាសាទអង្គរវត្ត៕
/unnamed.png
Post a Comment