កម្ពុជា​ជា​ប់​ចំណាត់ថ្នាក់​ទី​១​ជា​​កន្លែង​ស្អាត​បំផុត​សម្រាប់​​ទស្សនា​ព្រះអាទិត្យ​រះ​

​ថ្មីៗនេះមានការស្ទង់មតិ​​Morning​s.​co​.ukអំពី​ទីតាំង​ព្រះអាទិត្យ​រះ​ដ៏​ស្រស់​ស្អាត​បំផុត​របស់​ពិភពលោក​ប្រទេស​កម្ពុជា​ជាប់​ចំណាត់ថ្នាក់​ទី​១​ ​ក្នុងចំណោម​ ​៧​២​ប្រទេស​ជា​កន្លែង​ដែល​មាន​ព្រះអាទិត្យ​រះ​ដ៏​ស្រស់​ស្អាត​បំផុត​នៅ​ទូទាំង​ពិភពលោក​។​

យោង​តាម​ការស្រាវជ្រាវ​បាន​បង្ហាញ​ថា​ ​ក្នុងចំណោម​ប្រទេស​ចំនួន​៧​២​ ​កម្ពុជា​ជាប់​ចំណាត់ថ្នាក់​លេខ១​ជាមួយនឹង​ប្រាសាទអង្គរវត្ត​ក្នុង​ទឹកដី​នៃ​ខេត្ត​សៀមរាប​ ​ដែល​មាន​ព្រះអាទិត្យ​រះ​ដ៏​ល្អ​បំផុត​នៅ​ក្នុង​ពិភពលោក​។​ ​បន្ទាប់មក​ ​ប្រាសាទ​ Boro​bud​ur ​ក្នុង​ប្រទេស​ឥណ្ឌូ​នេ​ស៊ី​ ​ជាប់​ចំណាត់ថ្នាក់​ទី​៤​ ​ទីក្រុង​ ​Bag​an​ ​ប្រទេស​មី​យ៉ា​ន់​ម៉ា​ ​ចំណាត់ថ្នាក់​ទី​៧​ ​និង​ឧទ្យាន​ជាតិ​ ​M​urc​his​on ​Fall​s ​ក្នុង​ប្រទេស​អ៊ូ​ហ្គង់​ដា​ជាប់​ចំណាត់ថ្នាក់​ទី​៧​២​។​នៅ​ថ្ងៃ​ទី​២​១​ ​ខែ​មីនា​ ​ឆ្នាំ​២​០​២​៤​ ​មាន​ភ្ញៀវ​ទេសចរណ៍​ចំនួន​ ​១​០​,​១​៥​៤​នាក់​ ​ក្នុង​នោះ​មាន​ជនបរទេស​ចំនួន​ ​២​,​៥​៧​៥​នាក់​ ​និង​ប្រជាជន​កម្ពុជា​ចំនួន​ ​៧​,​៥​៧​៩​នាក់​ ​ដែល​បាន​មក​ទស្សនា​ព្រះអាទិត្យ​រះ​នៅ​លើកំពូល​ប្រាសាទអង្គរវត្ត​ ​ឬ​ហៅថា​ ​Equinox​។​ជា​រៀងរាល់​ឆ្នាំ​ ​Equinox​ ​កើតឡើង​ពីរដង​ដែល​នៅ​រដូវប្រាំង​ (​Vernal​ ​Equinox​) ​កើតឡើង​ក្នុង​ខែ​មីនា​ ​ហើយ​នៅ​រដូវវស្សា​ (​Autumn​a​l​ ​Equinox​) ​កើតឡើង​នៅ​ខែកញ្ញា​៕