ប្រធានាធិប​តី​បេ​​ឡារុស​បាន​ប​ញ្ជាក់​ពី​មូ​លហេតុ​ដែល​រុស្ស៊ី​ដា​ក់​ពង្រា​យ​អាវុធ​នុយក្លេអ៊ែរ​រា​​ប់សិប​គ្រាប់

 បេឡារុស្សកំពុងប្រឈមមុខនឹងការគំរាមកំហែងយ៉ាងធ្ងន់ធ្ងរទាំងក្នុងនិងក្រៅប្រទេសដោយបង្ខំឱ្យទីក្រុងMinskផ្លាស់ប្តូរវិធីការពារសន្តិសុខនិងអនុញ្ញាតឱ្យរុស្ស៊ីដាក់ពង្រាយអាវុធនុយក្លេអ៊ែរយុទ្ធសាស្ត្ររាប់សិបដើម។

ប្រធានាធិបតីបេឡារុស្ស AlexanderLukashenko។TASS

នេះគឺជាសុន្ទរកថាកាលពីថ្ងៃទី២៥ខែមេសារបស់ប្រធានាធិបតីបេឡារុស្ស AlexanderLukashenkoនៅសភាប្រជាជនបេឡារុស្សទាំងអស់ដែលបានធ្វើឡើងនៅទីក្រុងMinsk ។ទីភ្នាក់ងារព័ត៌មានBeltaបានដកស្រង់សម្តីលោក Lukashenkoថាការពិតបច្ចុប្បន្នទាមទារឱ្យមានការផ្លាស់ប្តូរទស្សនៈស្តីពីសន្តិសុខរបស់ប្រទេស។“មានប្រធានបទថ្មីមួយ៖ការទប់ស្កាត់នុយក្លេអ៊ែរ។ អ្នកដែលនាំយើងទៅរកប្រធានបទនេះគួរតែដឹងអំពីវាហើយមានទស្សនៈសមហេតុផលអំពីផលវិបាកផ្ទាល់នៃការសម្រេចចិត្តមិនត្រឹមត្រូវរបស់ពួកគេ” មេដឹកនាំបេឡារុស្សបាននិយាយ។ទីភ្នាក់ងារសារព័ត៌មាន Tass បានដកស្រង់សម្តីលោក Lukashenko ដែលបាននិយាយថា អាវុធនុយក្លេអ៊ែរយុទ្ធសាស្ត្ររុស្ស៊ីជាច្រើនគ្រាប់ត្រូវបានដាក់ពង្រាយនៅក្នុងប្រទេសបេឡារុស្ស យោងតាមកិច្ចព្រមព្រៀងដែលលោក និងប្រធានាធិបតីVladimirPutinបានប្រកាសក្នុងឆ្នាំ២០២៣។នេះក៏ជាលើកទី១ហើយដែលរុស្ស៊ីបានដាក់ពង្រាយកាំជ្រួចនុយក្លេអ៊ែរនៅក្រៅប្រទេសចាប់តាំងពីថ្ងៃនៃអតីតសហភាពសូវៀត។យោងតាមប្រធានាធិបតី Lukashenkoផងដែរហានិភ័យនៃឧប្បត្តិហេតុយោធានៅតាមបណ្តោយព្រំដែននៃប្រទេសបេឡារុស្សជាមួយអ៊ុយក្រែនគឺខ្ពស់ណាស់។លោកបាននិយាយថា ប្រទេសប៉ូឡូញ ដែលជាអ្នកជិតខាងខាងលិចនៃប្រទេសបេឡារុស និងជាសមាជិកអង្គការណាតូមិនគួររំពឹងថានឹងមានសកម្មភាពឈ្លានពានពីទីក្រុងMinskនោះទេ។ទោះជាយ៉ាងណាក៏ដោយបេឡារុស្សក៏បានផ្លាស់ប្តូរកងវរសេនាតូចមួយចំនួនក្នុងការត្រៀមប្រយុទ្ធពីខាងកើតទៅខាងលិចនៃប្រទេស៕ពុតសាម៉ាត់