សម្តេចធិបតីហ៊ុន ម៉ាណែតនាយករដ្ឋមន្ត្រីកម្ពុជាបានមានប្រសាសន៍នៅថ្ងៃអង្គារនេះថាប្រទេសកម្ពុជាត្រូវបានរំពឹងថានឹងឃើញកំណើនសេដ្ឋកិច្ច ៦,៦%នៅឆ្នាំ២០២៤ ពី ៥,៦ %នៅឆ្នាំ ២០២៣។
 |
| រូបភាពសហការី |
កំណើនសេដ្ឋកិច្ចរបស់ប្រទេសកម្ពុជា ត្រូវបានជំរុញជាចម្បងដោយការនាំចេញសម្លៀកបំពាក់ទេសចរណ៍ កសិកម្ម ក៏ដូចជាវិស័យសំណង់ និងអចលនទ្រព្យ។នេះបើតាមការចេញXinhua។សម្តេចធិបតីបានថ្លែងក្នុងសុន្ទរកថាក្នុងពិធីបើកកិច្ចប្រជុំកំពូលធុរកិច្ចអាស៊ាន-កម្ពុជាដែលមានរយៈពេលមួយថ្ងៃថា “ក្នុងរយៈពេលប៉ុន្មានទសវត្សរ៍មកនេះប្រទេសកម្ពុជាបានឆ្លងកាត់ការផ្លាស់ប្តូរដ៏គួរឱ្យកត់សម្គាល់ ដោយបានវិវត្តទៅជាសេដ្ឋកិច្ចទំនើប និងសមាហរណកម្មជាសកល។សម្តេចនាយករដ្ឋមន្រ្តីបានបន្ថែមថា“កំណើនរបស់យើងត្រូវបានព្យាករណ៍ថានឹងត្រឡប់ទៅកម្រិតមុនជំងឺរាតត្បាតក្នុងទំហំ៧%នៅឆ្នាំ២០២៨ ដែលជាសញ្ញានៃអនាគតសេដ្ឋកិច្ចដ៏ល្អប្រសើរ” ។សម្តេចហ៊ុន ម៉ាណែត មានប្រសាសន៍ថាសមាជិកភាពជាយុទ្ធសាស្ត្ររបស់កម្ពុជានៅក្នុងកិច្ចព្រមព្រៀងពាណិជ្ជកម្មក្នុងតំបន់ និងសកលលោកសំខាន់ៗ ធ្វើឱ្យកម្ពុជាក្លាយជាតួអង្គប្រកបដោយសមាហរណកម្មខ្ពស់មួយ នៅក្នុងទីផ្សារសកល ដែលពោរពេញដោយជវភាព។សម្តេចបានបន្តថា៖«ផលិតផលដែលផលិតនៅក្នុងប្រទេសកម្ពុជាដូចជាសម្លៀកបំពាក់និងកង់ ត្រូវបានទទួលស្គាល់ទូទាំងសកលលោកសម្រាប់គុណភាព និងតម្លៃប្រកួតប្រជែង»ដែលនេះជាសញ្ញាបង្ហាញពីវត្តមានរបស់កម្ពុជាដែលកំពុងកើនឡើងនៅក្នុងទីផ្សារសកល៕
/unnamed.png
Post a Comment