តាមការព្យាករណ៍សេដ្ឋកិច្ចក្នុងតំបន់របស់ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន+៣(AMRO)ដែលបានចេញផ្សាយកាលពីថ្ងៃច័ន្ទបានឱ្យដឹងថាកំណើនសេដ្ឋកិច្ចរបស់កម្ពុជាត្រូវបានព្យាករណ៍ថានឹងមានភាពរឹងមាំ នៅឆ្នាំ២០២៤ជាមួយនឹងអតិផរណាដែលកំពុងធ្លាក់ចុះ។នេះបើតាមការចញផ្សាយ Xinhua។របាយការណ៍បានឲ្យដឹងថា សេដ្ឋកិច្ចរបស់ប្រទេសកម្ពុជាត្រូវបានគេរំពឹងថានឹងមានកំណើន ៦,២ %នៅឆ្នាំនេះ ពោលគឺកើនឡើងពី ៥,៣%កាលពីឆ្នាំមុន ដោយបន្ថែមថា អតិផរណាត្រូវបានព្យាករណ៍ថានឹងកើនឡើងដល់ ៣,១% ពី ២,១ %។
 |
|
កំណើនរបស់ប្រទេសកម្ពុជា ត្រូវបានជំរុញជាចម្បងដោយការនាំចេញសម្លៀកបំពាក់ ទេសចរណ៍ កសិកម្ម សំណង់ និងអចលនទ្រព្យ។របាយការណ៍បានឱ្យដឹងថា កំណើននៅឆ្នាំនេះនឹងត្រូវបានជំរុញជាចម្បងដោយតម្រូវការក្នុងស្រុកដ៏រឹងមាំដែលគាំទ្រដោយការបង្កើនប្រាក់ចំណូលគ្រួសារ និងការស្ដារឡើងវិញនូវសកម្មភាពវិនិយោគ និងវិស័យទេសចរណ៍។លោក Hoe Ee Khor ប្រធានសេដ្ឋវិទូរបស់ AMRO បាននិយាយថា “ការធ្វើឱ្យមានកំណើនឡើងវិញតម្រូវឱ្យមានការជំរុញការវិនិយោគនិងការទទួលយកបច្ចេកវិទ្យា ដើម្បីបង្កើនផលិតភាព និងភាពធន់ ។ជាពិសេសក្រុមហ៊ុនតូចៗ”។យោងតាមរបាយការណ៍បានឱ្យដឹងថា សេដ្ឋកិច្ចកម្ពុជា ត្រូវបានព្យាករណ៍ថានឹងកើនឡើងដល់ ៦,៤%នៅឆ្នាំ២០២៥ ជាមួយនឹងអតិផរណានឹងធ្លាក់ចុះដល់ ២,៨%៕
/unnamed.png
Post a Comment