ក្នុងឱកាសអញ្ជើញសំណេះសំណាល ជាមួយសហជីព សេដ្ឋកិច្ចក្រៅប្រព័ន្ធ និងសមាគម បុគ្គលិកសិក្សាជាង៥ពាន់នាក់ អបអរសាទរ ទិវាពលកម្មអន្តរជាតិ១ឧសភាសម្តេចនាយករដ្ឋមន្ត្រី ហ៊ុន ម៉ាណែត បានបញ្ជាក់ថា គម្រោងព្រែកជីកហ្វូណនតេជោមិនមែនសម្រាប់ផលប្រយោជន៍គ្រួសារត្រកូល“ហ៊ុន” នោះទេគឺសំដៅលើកកម្ពស់សុខុមាលភាពរបស់ប្រជាពលរដ្ឋខ្មែរទាំងអស់។សម្តេចធិបតីបានថ្លែងអំណរគុណដល់ប្រជាពលរដ្ឋខ្មែរទាំងក្នុង និងក្រៅប្រទេស ដែលបានផ្ញើសារជាច្រើនគាំទ្រគម្រោងព្រែកជីកហ្វូណនតេជោនៅកម្ពុជា។
 |
|
សម្តេចបានបញ្ជាក់ពីការប្ដេជ្ញាចិត្តក្នុងការជំរុញចក្ខុវិស័យរបស់សម្តេច ហ៊ុន សែន ក្នុងការសម្រេចបានព្រែកជីកហ្វូណនតេជោនេះ។សម្តេចបានរំលឹកឡើងវិញពីប្រសាសន៍របស់សម្ដេច ហ៊ុន សែនស្តីពីគម្រោងព្រែកជីកហ្វូណនតេជោថាគម្រោងនេះមិនមែនជាផលប្រយោជន៍ត្រកូលហ៊ុន នោះទេ។ប៉ុន្តែត្រកូលហ៊ុនគ្រាន់តែជាអ្នកបានចូលរួមក្នុងការធ្វើឱ្យចក្ខុវិស័យនេះទទួលបានជោគជ័យ»។ការសាងសង់ព្រែកជីកហ្វូណនតេជោ ដែលជាគម្រោងប្រវត្តិសាស្ត្រ ត្រូវបានលើកយកមកសិក្សាយ៉ាងទូលំទូលាយ ដើម្បីវាយតម្លៃផលប៉ះពាល់របស់វា។ យោងតាមកិច្ចព្រមព្រៀងមេគង្គឆ្នាំ ១៩៩៥ ការជីកព្រែកជីកហ្វូណនតេជោ មិនតម្រូវឱ្យកម្ពុជាសុំការយល់ព្រមពីប្រទេសដទៃនោះទេ។ វាគ្រាន់តែត្រូវការការជូនដំណឹង និងផ្តល់ព័ត៌មានលម្អិតដល់គណៈកម្មាធិការចម្រុះនៃគណៈកម្មការទន្លេមេគង្គតែប៉ុណ្ណោះ។សម្តេចបានកត់សម្គាល់ថា ខណៈដែលប្រទេសជាច្រើនកំពុងសាងសង់ព្រែកជីក និងទំនប់វារីអគ្គិសនី ហាក់ដូចជាមានការចាប់អារម្មណ៍ខ្លាំងតែលើកម្ពុជា។ ប៉ុន្តែ គ្មានឧបសគ្គណាអាចរារាំងការសាងសង់ព្រែកជីកហ្វូណនតេជោបានឡើយ។សម្តេចបានបញ្ជាក់ថា គម្រោងនេះបានសិក្សាយ៉ាងហ្មត់ចត់ក្នុងរយៈពេលប្រមាណ ២៦ ខែ។ទោះបីជាមានក្រុមសិក្សាស្រាវជ្រាវរបស់វៀតណាមមួយចំនួន ចេញមកប្រឆាំង និងជំទាស់គម្រោងនេះ ហើយចោទប្រកាន់ថាគម្រោងនេះ បម្រើប្រយោជន៍យោធារបស់ចិនក៏លោកនាយករដ្ឋមន្ត្រីនៅតែប្រកាន់ខ្ជាប់លើគម្រោងនេះ។ ទន្ទឹមនឹងនេះសម្តេចក៏បានលើកឡើងពីការរិះគន់របស់ សម រង្ស៊ី ចំពោះគម្រោងនេះដោយបានចោទសួរទៅត្រឡប់ទៅ សម រង្ស៉ី តើមានចេតនាបែបណា និងរូបភាពបែបណា ដែលប្រឆាំងគម្រោងព្រែកជីកហ្វូណន-តេជោ ដូចនឹងអ្នកស្រាវជ្រាវរបស់វៀតណាម?សម្តេចនាយករដ្ឋមន្រ្តីក៏បានផ្តាំទៅ សម រង្ស៉ី រក្សាប្រយោជន៍សម្រាប់ជាតិដើម្បីសុខុមាលភាពរបស់ប្រជាពលរដ្ឋខ្មែរយើង៕
/unnamed.png
Post a Comment