សម្តេចហ៊ុន សែនបានយល់ព្រមអនុគ្រោះដល់លោកអ៊ឹម សុផលហៅមុំ អាហ្សានី។បន្ទាប់ពីលោកមុំអាហ្សានីបានចេញមុខសុំទោសសម្តេចហ៊ុនសែនប្រធានគណបក្សប្រជាជនកម្ពុជានិងបានទម្លាក់កំហុសដាក់ក្រុមលោកសម រង្ស៊ីថាជាអ្នករៀបចំឆាកឲ្យវាយប្រហារត្រកូលហ៊ុននោះ។តាមរយៈសារនៅក្នុងតេឡេក្រាមចេញថ្ងៃទី១៧ខែមេសានេះ សម្តេចហ៊ុន សែនបានថ្លែងថា សម្តេចយល់ពីមូលហេតុដែលនៅពីក្រោយការវាយប្រហារលើក្រុមគ្រួសាររបស់សម្តេចពីសំណាក់លោក មុំ អាហ្សានីនាពេលកន្លងមក។ប្រមុខបក្សកាន់អំណាចរូបនេះបានបញ្ជាក់ថាតាំងពីដើមមកលោក មុំ អាហ្សានីដែលជាអតីតមន្ត្រីយោធាលំហសមុទ្រមិនដែលមានទំនាស់អ្វីទាល់តែសោះជាមួយក្រុមគ្រួសាររបស់សម្តេចនិងថា លោក មុំ អាហ្សានីក៏គ្មានសាលដីកាដែលត្រូវអនុវត្តទោសដែរ។
 |
| រូបភាពAFP |
តែសម្តេចហ៊ុន សែន ចោទថារាល់ការវាយប្រហាររបស់លោក មុំ អាហ្សានីលើត្រកូលហ៊ុន គឺ រៀបចំដោយលោក សម រង្ស៊ីដែលសម្តេចហ៊ុន សែនហៅជាជនក្បត់ជាតិ៣ជំនាន់។ចំណែកនៅក្នុងសារសុំទោសរបស់លោក មុំ អាហ្សានីដែលថតចំនួន២ឃ្លីបក៏បានចោទលោក អេង ឆៃអ៊ាង និងលោកឡុង រីដែលជាមនុស្សស្និទនឹងលោកសម រង្ស៊ីថាជាអ្នករៀបចំឆាកឲ្យរូបលោកធ្វើជាវាគ្មិនប្រចាំនៅឌឺ ខាមបូឌា ដេលីដើម្បីវាយប្រហារសម្តេច ហ៊ុន សែន។ទោះជាយ៉ាងណាគេនៅមិនទាន់ឃើញមានប្រតិកម្មពីលោក សម រង្ស៊ី និងមន្ត្រីស្និទរបស់លោកមួយចំនួនដែលត្រូវបានលោក មុំ អាហ្សានីចោទប្រកាន់នៅឡើយទេ។ សូមជម្រាបជូនថា លោក មុំ អាហ្សានីបានធ្វើឲ្យគេចាប់អារម្មណ៍កាលពីអំឡុងឆ្នាំ២០២៣ ខណៈលោកតែងតែចូលរួមជាវាគ្មិននៅក្នុងកម្មវិធី Idea Talk របស់សារព័ត៌មានឌឺ ខាមបូឌា ដេលីរបស់លោក តាំង សារដា ដែលមានមូលដ្ឋាននៅសហរដ្ឋអាមេរិក។នៅពេលចូលរួមកម្មវិធី Idea Talk ដំបូងៗ អតីតមន្ត្រីយោធាលំហសមុទ្ររូបនេះបានអះអាងថាលោកជាជនរងគ្រោះម្នាក់ដែលបានគេចផុតពីប៉ុនប៉ងសម្លាប់បំបិទមាត់ពីសំណាក់អ្នកមានអំណាចនៅកម្ពុជា។បន្ទាប់មកលោក និងក្រុមគ្រួសារទទួលបានសិទ្ធិជ្រកកោននៅប្រទេសញ៉ូវហ្សឺលែន។ក៏ប៉ុន្តែ នៅពេលដែលលោក មុំ អាហ្សានីបង្កើនការវាយប្រហារមិនសំចៃមាត់ទៅលើក្រុមគ្រួសារត្រកូលហ៊ុន ស្រាប់តែសារព័ត៌មាន Fresh News បានផ្សាយវីដេអូមួយដែលថាមុំ អាហ្សានី គឺជាជនឆបោកប្រាក់និងត្រូវបានសមត្ថកិច្ចចាប់ខ្លួនកន្លងមក។ចំណែកវីដេអូមួយទៀតរបស់ Fresh News ផ្សាយនៅថ្ងៃទី០៨ ខែមិថុនា ឆ្នាំ២០២៣ បានបង្ហាញលោក មុំ អស្សនីដែលបាននិយាយសុំការលើកលែងទោសពីសម្តេចហ៊ុន ម៉ាណែត និងសម្តេច ហ៊ុន សែន ហើយស្នើសុំធ្វើជាបណ្តាញរបស់សម្តេចហ៊ុន ម៉ាណែតដើម្បីបង្កប់ខ្លួននៅក្នុងគណបក្សប្រឆាំង៕RFI
/unnamed.png
Post a Comment