កាលពីថ្ងៃអាទិត្យសម្តេចធិបតីនាយករដ្ឋមន្ត្រីហ៊ុន ម៉ាណែត បាននិយាយនៅក្នុងទីក្រុង Melbourneថាក្រុមហ៊ុនចិនមួយនឹងវិនិយោគថវិកាចំនួន១ ពាន់លានដុល្លារក្នុងការផលិតសំបកកង់រថយន្ត។ថ្លែងទៅកាន់ប្រជាជនកម្ពុជាដែលកំពុងរស់នៅអូស្ត្រាលី និងនូវែលសេឡង់សម្តេចហ៊ុន ម៉ាណែត បានលើកឡើងពីសមិទ្ធផលដែលរាជរដ្ឋាភិបាលកម្ពុជាសម្រេចបាន ។
 |
|
សម្តេចធិបតីបានមានប្រសាសន៍ថា ចាប់តាំងពីរដ្ឋាភិបាលកម្ពុជាថ្មីចូលកាន់តំណែងកាលពី៦ខែមុន ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តគម្រោងវិនិយោគចំនួន ១៧២ ដែលមានទុនវិនិយោគសរុបជិត ៤ ពាន់លានដុល្លារពីទាំងក្នុង និងក្រៅប្រទេស។ ដែលនឹងបង្កើតឱកាសការងារចំនួន ១៩០,០០០ កន្លែងសម្រាប់ប្រជាពលរដ្ឋក្នុងតំបន់។សម្តេចបានមានប្រសាសន៍ថា រោងចក្រផលិតសំបកកង់ចិនមួយបានបង្ហាញគោលបំណងរបស់ខ្លួនក្នុងការវិនិយោគ ១ ពាន់លានដុល្លារនៅក្នុងប្រទេសកម្ពុជា។សម្តេចនាយករដ្ឋមន្ត្រីបានបន្ថែមថា ដោយសារការជឿទុកចិត្ត និងទំនុកចិត្តលើរាជរដ្ឋាភិបាលកម្ពុជា ក្រុមហ៊ុនដែលមានស្រាប់បានស្នើសុំពង្រីកប្រតិបត្តិការអាជីវកម្មរបស់ពួកគេទៅកាន់វិស័យសក្តានុពលជាច្រើនទៀតជាមួយនឹងថវិកាពី ២០០ ទៅ ៥០០ លានដុល្លារសម្រាប់ក្រុមហ៊ុននីមួយៗ ដែលនឹងបង្កើតឱកាសការងារកាន់តែច្រើនសម្រាប់ប្រជាជនរបស់យើង។សម្តេចហ៊ុន ម៉ាណែត បានបញ្ជាក់ផងដែរថាសម្តេចនឹងជួបជាមួយវិស័យឯកជនអូស្ត្រាលីដើម្បីទាក់ទាញការវិនិយោគបន្ថែមទៀត តាមរយៈវេទិកាធុរកិច្ចកម្ពុជា-អូស្ត្រាលីដែលមានក្រុមហ៊ុនជាង ២០០ មកពីប្រទេសទាំងពីរនឹងចូលរួម។សម្តេចថា៖ «វេទិកានេះនឹងអនុញ្ញាតឱ្យវិនិយោគិនភ្ជាប់ប្រតិបត្តិការអាជីវកម្មរបស់ពួកគេ»។ដោយជម្រះមន្ទិលលើការដែលកម្ពុជាទាក់ទាញតែការវិនិយោគពីប្រទេសចិនឬប្រទេសដែលជ្រើសរើសមួយចំនួននោះ សម្តេចនាយករដ្ឋមន្ត្រីបានថ្លែងថាវាមិនពិតទេ ដោយបន្ថែមថា៖ «ខ្ញុំបានទៅជុំវិញការទាក់ទាញការវិនិយោគពីប្រទេសជាច្រើន ហើយខ្ញុំស្វាគមន៍ការវិនិយោគពីគ្រប់គ្នា។ តាមរយៈនេះខ្ញុំមិនមានន័យថាខ្ញុំអាចទាក់ទាញក្រុមហ៊ុនរាប់រយដែលខ្ញុំបានជួបនោះទេ។ ខ្ញុំចាត់ទុកថាវាជាសមិទ្ធផលដ៏អស្ចារ្យ ប្រសិនបើមានតែម្នាក់ឬពីរនាក់មកវិនិយោគក្នុងប្រទេសយើង»។សម្តេចបញ្ជាក់ថា គោលបំណងនៃការវិនិយោគទាំងនេះ គឺបង្កើតឱកាសការងារដែលនឹងលើកកម្ពស់ជីវភាពរស់នៅរបស់ប្រជាពលរដ្ឋយើង ។សម្តេចហ៊ុន ម៉ាណែត បានថ្លែងថា នេះគឺជាកម្មវត្ថុអាទិភាពរបស់រដ្ឋាភិបាលថ្មីនេះ។នាយករដ្ឋមន្ត្រីបានពណ៌នាការគ្រប់គ្រងសេដ្ឋកិច្ចជាតិថា ជាឈាមក្នុងរាងកាយដែលដំណើរការគ្រប់សរសៃសម្រាប់សុខភាពមនុស្ស ដូច្នេះដើម្បីលើកកម្ពស់សេដ្ឋកិច្ចជាតិឱ្យកាន់តែប្រសើរឡើង ហើយរដ្ឋាភិវបាលត្រូវបង្កើតការងារនៅគ្រប់ទីកន្លែង។ជាពិសេសសម្រាប់ប្រជាជននៅថ្នាក់មូលដ្ឋាន៕
/unnamed.png
Post a Comment