ប្រធានា​ធិបតី​បារាំងបា​នអំពាវនាវឱ្យអឺរ៉ុបត្រៀ​មខ្លួនប្រសិ​ន​បើរុស្ស៊ីកើនឡើង

ប្រធានាធិបតីបារាំងលោកEmmanuelMacronបានព្រមានថារុស្ស៊ីនឹងមិនបញ្ឈប់ដោយមិនចាញ់អ៊ុយក្រែនឡើយហើយបានអំពាវនាវដល់អឺរ៉ុបកុំឱ្យ "ទន់ខ្សោយ"ហើយត្រៀមខ្លួនដើម្បីឆ្លើយតប។"

ប្រសិនបើរុស្ស៊ីឈ្នះក្នុងជម្លោះនេះកិត្យានុភាពរបស់អឺរ៉ុបនឹងធ្លាក់ចុះដល់សូន្យ"។ទីភ្នាក់ងារសារព័ត៌មានReutersបានដកស្រង់សម្តីប្រធានាធិបតីបារាំងលោកMacronដែលបាននិយាយនៅក្នុងបទសម្ភាសន៍តាមទូរទស្សន៍កាលពីម្សិលមិញ(១៤មីនា)បន្ទាប់ពីមេដឹកនាំគណបក្សប្រឆាំងបារាំងបានរិះគន់លោកថាមានភាពឆេវឆាវ។មេ​ដឹក​នាំ​បារាំង​បាន​និយាយ​ថាលោក​មិន​យល់​ស្រប​ជា​ខ្លាំង​នឹង​មេ​ដឹក​នាំ​បក្ស​ប្រឆាំង។ លោក Macron បានសង្កត់ធ្ងន់ថា "ថ្ងៃនេះការសម្រេចចិត្តមិនអនុប្បវាទឬបោះឆ្នោតប្រឆាំងនឹងការគាំទ្រអ៊ុយក្រែន មិនមែនជ្រើសរើសសន្តិភាពទេ។ ប៉ុន្តែជ្រើសរើសការបរាជ័យ។ វាខុសគ្នា" ។កាលពីខែមុន ភាពចម្រូងចម្រាសបានផ្ទុះឡើង បន្ទាប់ពីប្រធានាធិបតីបារាំងបានប្រកាសថាលោកមិនច្រានចោលនូវលទ្ធភាពនៃការដាក់ពង្រាយកងកម្លាំងជើងគោកទៅកាន់ប្រទេសអ៊ុយក្រែននាពេលអនាគតនោះទេ។ មេដឹកនាំ​ជាច្រើន​មិន​យល់ស្រប​នឹង​សេចក្តីថ្លែងការណ៍​នេះ។ប៉ុន្តែ​អ្នកខ្លះ ជាពិសេស​នៅ​អឺរ៉ុប​ខាងកើត​បាន​សម្តែង​ការគាំទ្រ។គណបក្សប្រឆាំងដ៏សំខាន់នៅប្រទេសបារាំងដែលជាគណបក្សស្តាំនិយមជ្រុលរបស់លោកស្រី Marine Le Pen បានបដិសេធកាលពីដើមសប្តាហ៍នេះក្នុងរដ្ឋសភាក្នុងការបោះឆ្នោតលើសន្ធិសញ្ញាសន្តិសុខដែលបារាំងបានចុះហត្ថលេខាជាមួយអ៊ុយក្រែន។ ទន្ទឹមនឹងនេះគណបក្សឆ្វេងនិយម Unbowed France បានបោះឆ្នោតប្រឆាំងនឹងសន្ធិសញ្ញានេះ។"ប្រសិនបើជម្លោះរីករាលដាលដល់ទ្វីបអឺរ៉ុបរុស្ស៊ីនឹងទទួលខុសត្រូវ។ប៉ុន្តែប្រសិនបើយើងសម្រេចចិត្តទន់ខ្សោយ។ប្រសិនបើយើងសម្រេចចិត្តថ្ងៃនេះមិនឆ្លើយតបនោះគឺជាជម្រើសនៃការបរាជ័យ។ ហើយខ្ញុំមិនចង់នោះទេ។"មេដឹកនាំបារាំងបាននិយាយថា វាជារឿងសំខាន់ដែលអឺរ៉ុបមិនត្រូវគូសបន្ទាត់ក្រហមដែលនឹងបង្ហាញពីភាពទន់ខ្សោយក្នុងតំបន់ប្រឆាំងនឹងរុស្ស៊ីនិងលើកទឹកចិត្តឱ្យរុស្ស៊ីបន្តយុទ្ធនាការយោធារបស់ខ្លួនក្នុងប្រទេសអ៊ុយក្រែន។ប្រធានាធិបតី Macron បានបដិសេធមិនផ្តល់ព័ត៌មានលម្អិតអំពីការដាក់ពង្រាយកងទ័ពទៅកាន់អ៊ុយក្រែន។ "ខ្ញុំ​មិន​ចង់​បង្ហាញ​ទេ។ខ្ញុំ​ចង់​ឱ្យ​រុស្ស៊ី​បញ្ឈប់​ជម្លោះ​នេះ ហើយ​ដក​ចេញ​ដោយ​បង្កើត​លក្ខខណ្ឌ​សន្តិភាព... ខ្ញុំ​នឹង​មិន​ផ្តល់​ព័ត៌មាន​ដល់​អ្នក​ណា​ដែល​មិន​ផ្តល់​អ្វី​ឱ្យ​ខ្ញុំ​ទេ។ នេះ​ជា​សំណួរ​សម្រាប់​ប្រធានាធិបតី Putin"។ប្រធានាធិបតីMacronបាននិយាយថាបារាំងនឹងមិនចាប់ផ្តើមការវាយប្រហារប្រឆាំងនឹងរុស្ស៊ីទេហើយទីក្រុងប៉ារីសមិនស្ថិតក្នុងសង្រ្គាមជាមួយទីក្រុងម៉ូស្គូទេបើទោះបីជារុស្ស៊ីមានការវាយប្រហារប្រឆាំងនឹងផលប្រយោជន៍របស់បារាំងក៏ដោយ។ប្រធានាធិបតីបារាំងក៏បាននិយាយផងដែរថាអ៊ុយក្រែនស្ថិតក្នុងស្ថានភាព"លំបាក"នៅក្នុងតំបន់ជម្លោះហើយត្រូវការការគាំទ្រកាន់តែខ្លាំងពីសម្ព័ន្ធមិត្តរបស់ខ្លួន។"សន្តិភាពមិនមែនមានន័យថាចុះចាញ់អ៊ុយក្រែនទេ។ ចង់បានសន្តិភាពមិនមែនមានន័យថាបរាជ័យទេ។ ចង់បានសន្តិភាពមិនមែនមានន័យថាបោះបង់ចោលអ៊ុយក្រែនទេ"៕ពុតសាម៉ាត់