ការវា​យប្រហារភេ​រវករនៅ​ទីក្រុងម៉ូស្គូបណ្តា​លឱ្យមានកា​របែ​កបាក់រវាងរុស្ស៊ីនិងសម្ព័ន្ធមិត្តប្រវត្តិ​សា​ស្ត្ររប​ស់ខ្លួន?

ការឆ្លើយតបរបស់រុស្ស៊ីបន្ទាប់ពីការវាយប្រហារភេរវកម្មនៅជាយក្រុងម៉ូស្គូអាចបែងចែកទីក្រុងម៉ូស្គូជាមួយនឹងសម្ព័ន្ធមិត្តប្រវត្តិសាស្ត្រមួយគឺតាជីគីស្ថាន។

ប្រធានាធិបតី​រុស្ស៊ី(ស្តាំ)ជួប​ជាមួយ​ប្រធានាធិបតី​តាហ្ស៊ីគីស្ថានEmomali Rahmon។ រូបថត៖ Kremlin.ru

ការវាយប្រហារភេរវកម្មលើមជ្ឈមណ្ឌលប្រគុំតន្ត្រីCrocus City Hall នៅជាយក្រុងម៉ូស្គូកាលពីល្ងាចថ្ងៃទី ២២ ខែមីនា បានបណ្តាលឲ្យមនុស្ស ១៣៩នាក់ស្លាប់។ ISIS-K ដែលជាសាខារបស់អង្គការភេរវកររដ្ឋអ៊ីស្លាម (IS)បានអះអាងទទួលខុសត្រូវចំពោះការវាយប្រហារនេះ។ អាមេរិកក៏បានបញ្ជាក់ផងដែរថាISIS-Kគឺជាពិរុទ្ធជនតែមួយគត់ក្នុងការវាយប្រហារបង្ហូរឈាមក្នុងប្រទេសរុស្ស៊ី។ទោះបីជាយ៉ាងណាក៏ដោយប្រព័ន្ធផ្សព្វផ្សាយរុស្ស៊ីបានរាយការណ៍ថា ជនសង្ស័យទាំង៤នាក់ដែលជាប់ពាក់ព័ន្ធក្នុងការវាយប្រហារនេះត្រូវបានកំណត់អត្តសញ្ញាណថាជាពលរដ្ឋតាជីគីស្ថាន។តាជីគីស្ថានមានទីតាំងនៅអាស៊ីកណ្តាលនិងមានទំនាក់ទំនងប្រវត្តិសាស្ត្រយ៉ាងស៊ីជម្រៅជាមួយរុស្ស៊ី ហើយធ្លាប់ជាផ្នែកមួយនៃអតីតសហភាពសូវៀត។តាជីគីស្ថាន គឺជាសមាជិកនៃអង្គការសន្ធិសញ្ញាសន្តិសុខសមូហភាព(CSTO) ដែលដឹកនាំដោយរុស្ស៊ីដែលបានបង្កើតឡើងក្នុងឆ្នាំ ១៩៩២។យោងតាមអ្នកជំនាញការដែលជនសង្ស័យទាំង៤នាក់ក្នុងការវាយប្រហារភេរវកម្មនៅជាយក្រុងម៉ូស្គូគឺមកពីប្រទេសតាជីគីស្ថានអាចបង្កើតភាពតានតឹងថ្មីរវាងរុស្ស៊ី និងតាជីគីស្ថាន។កាសែត Moscow Times បានរាយការណ៍ថាក្រសួងការបរទេសតាហ្ស៊ីគីស្ថានបាននិយាយកាលពីថ្ងៃទី ២៣ខែមីនាថារបាយការណ៍អំពីពលរដ្ឋរបស់ខ្លួនពាក់ព័ន្ធនឹងការវាយប្រហារភេរវកម្មនៅទីក្រុងម៉ូស្គូគឺ"ក្លែងក្លាយ" ។ សូម្បីតែក្រសួងកិច្ចការផ្ទៃក្នុងនៃប្រទេសតាជីគីស្ថានក៏បានបញ្ជាក់ដែរថា ជនសង្ស័យ២នាក់ក្នុងចំណោមជនសង្ស័យដែលដាក់ឈ្មោះដោយប្រព័ន្ធផ្សព្វផ្សាយរុស្ស៊ីគឺស្ថិតនៅក្នុងប្រទេសតាជីគីស្ថាននៅពេលមានការវាយប្រហារ។កាលពីថ្ងៃទី២៤ ខែមីនា ប្រធានាធិបតីតាហ្ស៊ីគីស្ថាន លោក Emomali Rahmon បានប្រាប់ប្រធានាធិបតីរុស្ស៊ី លោកVladimir Putin ថា “ភេរវករគ្មានសញ្ជាតិគ្មានស្រុកកំណើតនិងគ្មានសាសនា”។

ការបែកបាក់ទំនាក់ទំនង

ចាប់តាំងពីការចាប់ផ្តើមយុទ្ធនាការយោធាពិសេសនៅអ៊ុយក្រែនក្នុងខែកុម្ភៈឆ្នាំ២០២២ប្រទេសរុស្ស៊ីត្រូវបានប្រទេសជាច្រើនឯកោ។សូម្បីតែសម្ព័ន្ធមិត្តយូរអង្វែងដែលមានទំនាក់ទំនងវប្បធម៌និងសេដ្ឋកិច្ចជិតស្និទ្ធ ដូចជាប្រទេសតាជីគីស្ថានបានបង្ហាញការមិនយល់ស្របជាមួយទីក្រុងម៉ូស្គូ។Mail Online បានរាយការណ៍ថា នៅខែតុលា ឆ្នាំ២០២២ប្រធានាធិបតី Rahmon បាននិយាយថាតាហ្ស៊ីគីស្ថានត្រូវតែ "អធិស្ឋាន" ឱ្យរុស្ស៊ីចូលរួមវេទិកាមួយនៅប្រទេសតាជីគីស្ថាន។ លោក Rahmon បាននិយាយថា"យើងមិនដែលត្រូវបានចាត់ទុកដូចជាដៃគូយុទ្ធសាស្ត្រទេ! គ្មានចេតនាអ្វីឡើយ។ប៉ុន្តែយើងចង់ឱ្យគេគោរព!"។សូម្បីតែទំនាក់ទំនងរវាងរុស្ស៊ី និងសមាជិកដទៃទៀតនៃ CSTO ក៏កាន់តែតានតឹងដែរ។ អ្នកជំនាញខ្លះនិយាយថានៅពេលក្រឡេកមើលជម្លោះនៅអ៊ុយក្រែន សមាជិកCSTOជឿថារុស្ស៊ីឥឡូវនេះទំនងជាមិនការពារពួកគេទេ។កាលពីដើមឆ្នាំនេះប្រធានាធិបតីអាមេនីបាននិយាយថាប្រទេសនេះបានផ្អាកការចូលរួមក្នុង CSTOបន្ទាប់ពីលោកបានរិះគន់អង្គការនេះនិងរុស្ស៊ីជាញឹកញាប់។ត្រឡប់​ទៅ​ការ​វាយ​ប្រហារ​ភេរវកម្ម​នៅ​ក្រុង​ម៉ូស្គូ​វិញ ប្រធានាធិបតី Putinបាន​អធិប្បាយ​ថា អ៊ុយក្រែន​មាន​ជាប់​ពាក់ព័ន្ធ​នឹង​ឧប្បត្តិហេតុ។ ដោយសារ​តែ​ជន​សង្ស័យ​មាន​បំណង​ភៀសខ្លួន​ទៅ​អ៊ុយក្រែន​បន្ទាប់​ពី​បង្ក​ការ​វាយ​ប្រហារ​បង្ហូរ​ឈាម​នៅ​ជាយ​ក្រុង​ម៉ូស្គូ។ ទោះ​ជា​យ៉ាង​ណាក្រុង​គៀវបាន​បដិសេធ​រាល់​ការ​ចោទ​ប្រកាន់។អ្នកជំនាញនិយាយថាក្រុមIS ប្រហែលជាបានទាញយកផលប្រយោជន៍ពីការផ្តោតអារម្មណ៍របស់រុស្ស៊ីលើជម្លោះនៅអ៊ុយក្រែនដើម្បីវាយប្រហារ។ លោកស្រី Vera Mironova នៅមជ្ឈមណ្ឌល Davis នៃសាកលវិទ្យាល័យ Harvard បានចែករំលែកជាមួយកាសែត Financial Times ថាISយល់ឃើញថា ការវាយលុកទីក្រុងម៉ូស្គូនៅពេលនេះ គឺងាយស្រួលណាស់៕ពុតសាម៉ាត់