សម្តេចធិ​បតី​អំពាវនាវ​ដល់​ប្រជាព​លរដ្ឋ​ចូលរួម​ការ​ការ​ពារ​សុខ​សន្តិភាព

 សម្តេចធិបតី​នាយករដ្ឋមន្ត្រី​ ​ហ៊ុន​ ​ម៉ា​ណែ​ត​នៃកម្ពុជាបាន​អំពាវនាវ​ដល់​ប្រជាពលរដ្ឋ​ទាំងអស់​ចូលរួម​ជាមួយ​រាជរដ្ឋាភិបាល​ក្នុង​ការ​ការពារ​សន្តិភាព​ដែល​រក​បាន​ដោយ​លំបាក​របស់​កម្ពុជា​និង​កុំ​បណ្តោយ​ឱ្យ​ប្រទេស​ឬ​ក្រុម​ណាមួយ​មក​បំផ្លាញ​ ទោះ​ក្នុង​តម្លៃ​ណា​ក៏ដោយ​។​ការ​លើកឡើង​របស់​សម្តេចហ៊ុន​ ​ម៉ា​ណែ​ត​ ​ក្នុង​ពិធី​បើក​ពិធីបុណ្យ​ទន្លេ​លើក​ទី​៨​ ​នៅ​ខេត្ត​សៀមរាប​ ​កាលពី​យប់​ថ្ងៃ​ទី​១​៦​ ​ខែ​មីនា​ ​ឆ្នាំ​២​០​២​៤​។​

សម្តេចបាន​បន្ថែម​ថា​ ​នេះ​ ​ធ្វើឡើង​ក្នុង​គោលបំណង​បង្កើន​ភាព​ទាក់ទាញ​របស់​កម្ពុជា​ ​និង​ជំរុញ​ការ​អភិវឌ្ឍ​វិ​ស័យ​ទេសចរណ៍​ឱ្យ​កាន់តែ​ប្រសើរ​។​សម្តេចធិបតីបញ្ជាក់​ថា​ ​យើង​ត្រូវ​បន្ត​ធានា​សន្តិសុខ​ ​និង​សណ្តាប់ធ្នាប់​សាធារណៈ​ ​ដោយ​ផ្តោត​ជាពិសេស​លើ​ការ​អនុវត្ត​គោល​នយោបាយ​ភូមិ​-​ឃុំ​-​សង្កាត់​មាន​សុវត្ថិភាព​ឱ្យ​ជាប់​លាប់​ ​និង​មាន​ប្រសិទ្ធ​ភាព​។​ក្នុង​បរិ​បទ​នេះ​ សម្តេចនាយករដ្ឋមន្ត្រី​បាន​ជំរុញ​ឲ្យ​មានការ​ពង្រឹង​វិធានការ​សន្តិសុខ​នៅ​គ្រប់​គោលដៅ​ទេសចរណ៍​ ​ដោយ​មិន​អនុញ្ញាត​ឲ្យ​តំបន់​ទាំងនេះ​ ​រួម​ទាំង​ទីតាំង​មាត់ទន្លេ​ ​ក្លាយ​ជាទី​ជម្រក​សម្រាប់​អ្នកប្រើប្រាស់​គ្រឿងញៀន​ ​ការ​ជួញ​ដូរ​មនុស្ស​ ​ឬ​សកម្មភាព​ឧក្រិដ្ឋកម្ម​ផ្សេងៗ​ទៀត​ឡើយ។សម្តេចតីបតីក៏បានបង្ហាញនូវក្តីសង្ឃឹមយ៉ាងមុតមាំថាកម្ពុជានឹងបន្តទទួលបាននូវការរីកចម្រើនបន្ថែមទៀតពីសក្តានុពលនៃធនធានទាំងឡាយដែលមាន រាប់ទាំងធនធានធម្មជាតិ បេតិកភណ្ឌវប្បធម៌ និងប្រវត្តិសាស្ត្រ ។ ដោយសារកត្តាសន្តិភាពនិងការអភិវឌ្ឍដែលកើតចេញពីការអនុវត្តដោយជោគជ័យ នៃនយោបាយឈ្នះ ឈ្នះ របស់ សម្តេចតេជោ ហ៊ុន សែន អតីតនាយករដ្ឋមន្ត្រីដែលជាកត្តាអនុគ្រោះសម្រាប់ការអភិវឌ្ឍវិស័យទេសចរណ៍ប្រកបដោយនិរន្តរភាព ដូចដែលបានឆ្លុះបញ្ចាំងតាមរយៈប្រធានបទ នៃពិធីបុណ្យទន្លេលើកទី៨នេះក្នុងន័យនេះការអភិវឌ្ឍតំបន់តាមដងទន្លមិនមែនធ្វើឡើងសម្រាប់តែពេលបច្ចុប្បន្ននោះទេ។ប៉ុន្តែត្រូវគិតគូរឱ្យបានវែងឆ្ងាយទៅដល់អនាគតកាលដោយត្រូវមានផែនការច្បាស់លាស់ និងគ្រប់ជ្រុងជ្រោយស្របពេលដែលពិភពលោកទាំងមូលបាន និងកំពុងប្រឈមនឹងការវិវត្តថ្មីៗទាំងលើទិដ្ឋភាពនយោបាយ សេដ្ឋកិច្ច សង្គម និងបរិស្ថាន ដែលស្ដែងឡើងតាមរយៈការប្រែប្រួលជាសកលជាច្រើន ដូចជា ភាពមិនប្រាកដប្រជានៃសេដ្ឋកិច្ចសាកលលោកបញ្ហា គ្រោះធម្មជាតិ ការប្រែប្រួលអាកាសធាតុនិងការកើនឡើងកម្ពស់ទឹកសមុទ្រ ជាដើម។ ដើម្បីឆ្លើយតបនឹងបញ្ហាប្រឈមទាំងនេះការយកចិត្តទុកដាក់លើទស្សនាទាននៃភាពស្អាតនិងបៃតងគឺពិតជាមានភាពចាំបាច់ខណៈពេលដែលពិភពលោកទាំងមូល កំពុងបោះជំហានទៅមុខដើម្បីសម្រេចបានសេដ្ឋកិច្ចបៃតង ។ជាចុងក្រោយ សម្ដេចនាយករដ្ឋមន្ត្រី បានធ្វើការតម្លៃខ្ពស់ចំពោះថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់នៃក្រសួងទេសចរណ៍ដែលក្នុងរយៈពេលជាង ៦ ខែ មកនេះ បានខិតខំដាក់ចេញនូវផែនការយុទ្ធសាស្ត្រថ្មីៗ ពិសេសគំនិតផ្ដួចផ្ដើមយុទ្ធសាស្ត្រ«បង្កើន៥អភិវឌ្ឍ៣»និងទិសដៅកែទម្រង់មុតស្រួចមួយចំនួនទៀត រួមទាំងការកែសម្រួលរចនាសម្ព័ន្ធស្ថាប័ន ដើម្បីជំរុញការអភិវឌ្ឍវិស័យទេសចរណ៍ប្រកបដោយភាពប្រកួតប្រជែង ចីរភាពនិងបរិយាប័ន្ន។ជាពិសេសការកែសម្រួលក្រុមប្រឹក្សាភិបាលសិក្សាទីផ្សារនិងផ្សព្វផ្សាយទេសចរណ៍កម្ពុជា ដើម្បីពង្រឹងភាពជាដៃគូរវាងវិស័យរដ្ឋ និងឯកជនឈានដល់ការដោះស្រាយបញ្ហាប្រឈមនានាក្នុងវិស័យទេសចរណ៍ជាលក្ខណៈកញ្ចប់និងក៏ជាយន្តការស្ថាប័នមួយសំខាន់ទ្រទ្រង់ដល់យុទ្ធនាការ «ទស្សនាសៀមរាប ឆ្នាំ ២០២៤» ផងដែរ ៕