លោក​Putinបានស្តីបន្ទោសអ៊ុ​យក្រែន​ចំពោះ​​ការធ្លាក់យ​ន្តហោះដឹកអ្នកទោ​សសង្គ្រាមរុស្ស៊ី

 ប្រធានាធិបតីរុស្ស៊ីលោកVladimirPutinបានប្រកាសថាទីភ្នាក់ងារស៊ើបការណ៍យោធារបស់អ៊ុយក្រែន(GUR)បានដឹងយ៉ាងច្បាស់ថាមានអ្នកទោសសង្គ្រាមនៅលើយន្តហោះដឹកជញ្ជូន IL-76 របស់ទីក្រុងម៉ូស្គូ ដែលត្រូវបានបាញ់ទម្លាក់ដោយកងកម្លាំងគៀវនៅក្នុងតំបន់ Belgorod ។

ទីភ្នាក់ងារសារព័ត៌មាន RIA Novosti បានដកស្រង់សម្តីលោកPutin កាលពីថ្ងៃទី២៦ខែមករាដោយនិយាយថាភស្តុតាងដែលប្រមូលបានពីកន្លែងកើតហេតុ បង្ហាញថាមីស៊ីលប្រឆាំងយន្តហោះរបស់អាមេរិកឬបារាំង ត្រូវបានប្រើដើម្បីបាញ់ទម្លាក់យន្តហោះរុស្ស៊ី។យោងតាមមេដឹកនាំវិមានក្រឹមឡាំងអ្វីដែលបានកើតឡើងនៅក្នុងឧប្បត្តិហេតុជាមួយយន្តហោះIL-76 ដែលបានបន្សល់ទុកមនុស្ស៧៤នាក់នៅលើយន្តហោះរួមទាំងអ្នកទោសសង្គ្រាមអ៊ុយក្រែន៦៥នាក់ "នឹងកាន់តែច្បាស់ក្នុងរយៈពេលពីរបីថ្ងៃបន្ទាប់" ។ប្រធានគណៈកម្មាធិការការពារជាតិនៃរដ្ឋ Duma របស់រុស្ស៊ី (សភាជាន់ទាបរបស់រុស្ស៊ី)លោក Andrey Kartapolov ក៏បានចោទប្រកាន់កងទ័ពអ៊ុយក្រែនថាបានប្រើប្រាស់អាវុធលោកខាងលិច ដែលភាគច្រើនទំនងជាមីស៊ីលអាមេរិកPatriot ឬមីស៊ីលអាល្លឺម៉ង់ Iris-T ដើម្បីវាយប្រហារទៅលើយន្តហោះរុស្ស៊ីកាលពីថ្ងៃទី២៤ខែមករា។នៅក្នុងកិច្ចប្រជុំក្រុមប្រឹក្សាសន្តិសុខកាលពីថ្ងៃទី២៦ខែមករា បេសកជនពិសេសរបស់រុស្ស៊ីប្រចាំអង្គការសហប្រជាជាតិបានព្រមានថា ប្រសិនបើព័ត៌មានខាងលើត្រូវបានបញ្ជាក់នោះបណ្តាប្រទេសលោកខាងលិចដែលផ្ទេរអាវុធទៅទីក្រុងគៀវនឹងត្រូវបានចាត់ទុកថាមានការចូលរួមដោយផ្ទាល់នៅក្នុង"ទង្វើដ៏សាហាវនេះ"។ក្រុងគៀវ​មិន​ទាន់​ឆ្លើយ​តប​នឹង​ការ​ថ្លែង​របស់​លោក​Putin​នៅ​ឡើយ​ទេ។ទោះជាយ៉ាងណាក៏ដោយប្រធានាធិបតីអ៊ុយក្រែនលោក Volodymyr Zelensky ពីមុនបានច្រានចោលការចោទប្រកាន់របស់រុស្ស៊ី និងបានអំពាវនាវឱ្យមានការស៊ើបអង្កេតអន្តរជាតិលើឧប្បត្តិហេតុនេះ៕ពុតសាម៉ាត់