សម្ដេចធិ​បតីហ៊ុន ម៉ាណែតបា​នចេញទៅប្រទេសជ​ប៉ុនហើយ

សម្ដេចធិបតី ហ៊ុន ម៉ាណែត នៅព្រឹកថ្ងៃទី១៥ធ្នូនេះ បានចាក​ចេញទៅប្រទេសជប៉ុនហើយដើម្បីអញ្ជើញចូលរួម​ប្រ​ជុំកំ​ពូល​រ​ម្លឹ​ក​ខួ​ប​​អនុ​ស្សា​​​វ​រីយ៍​អា​ស៊ា​ន-ជប៉ុននិង​អ​ប​អ​រ​សាទរឆ្នាំទី៥០នៃមិត្តភាពនិងកិច្ចសហ​ប្រ​តិ​​បត្តិ​កា​រ​អា​ស៊ា​​ន​-ជប៉ុន ដែ​ល​នឹ​ងប្រ​ព្រឹត្ត​ទៅនៅ​ទី​ក្រុ​​ងតូក្យូ ពីថ្ងៃទី ១៦-១៨ ខែធ្នូឆ្នាំ២០២៣។ ការអញ្ជើញរបស់សម្ដេចធិបតីនេះតប​តាម​ការ​អញ្ជើ​ញរបស់ ឯកឧត្តម គីស៊ីដា ហ៊្វូមីអូ នា​​យ​​ករដ្ឋមន្ត្រីជប៉ុន។ឯកឧត្តម មាស សុភ័ណ្ឌ អ្នកនាំពាក្យនាយករដ្ឋមន្ត្រីបានប្រាប់ក្រុមអ្នកសារព័ត៌មាននៅ​អាកា​ស​​​យា​នដ្ឋានអន្ត​រជាតិភ្នំពេញថា ក្នុងឱកាសស្នាក់នៅទីក្រុងតូក្យូ សម្ដេចធិបតី ទទួលជំនួបសម្តែងការគួរសមជាបន្តបន្ទាប់៖

១.សមាគមជប៉ុន-កម្ពុជា

២.លោកសាស្ត្រាចារ្យបណ្ឌិត អ៊ីស៊ីសាវ៉ា យ៉ូស៊ីអាគី ប្រធានមជ្ឈមណ្ឌលអាស៊ីសិក្សាស្រាវជ្រាវ និង បណ្តុះបណ្តាលធនធានមនុស្សនៃសាកលវិទ្យាល័យសូហ្វីយ៉ា

៣. ឯកឧត្តម នាយឧត្តមសេនីយ៍ យ៉ូស៊ីដាក់ យ៉ូស៊ីហ៊ិដិ អគ្គសេនាធិការចម្រុះនៃ​កងក​ម្លាំង​ស្វ័​យ​ការពារជប៉ុន

៤. លោក យូគិ ហ៊ិសា ហ្វូជិតា(Yuki Hisa Fujita) សមាជិកព្រឹទ្ធសភាជប៉ុន

៥. សមាគមមិត្តភាពសភាជប៉ុន-កម្ពុជា

៦. លោក ម៉ីស៊ីគូរ៉ូ ណូរ៉ិហ៊ិកុ (ISHIGURO Norihiko) ប្រធាន និងនាយកប្រតិបត្តិ អង្គការ ចេត្រូ​Japan External Trade Organization (JETRO)និងអនុញ្ញាតឱ្យបណ្តាក្រុមហ៊ុនវិ​និ​យោគ​ធំៗ​រ​ប​ស់ជប៉ុន ដែលវិនិយោគលើវិស័យឧស្សាហកម្ម គ្រឿងយន្ត ​គ្រឿងបង្គំអេឡិចត្រូនិច ខ្សែ​​ចរន្ត​អគ្គី​សនីសម្រាប់រថយន្ត ឧស្សាហកម្មចំណីអាហារ ផ្សារទំនើប ភស្តុភាកម្ម សំណង់​ហេដ្ឋារ​ច​នា​សម្ព័ន្ធ បច្ចេកវិទ្យាព័ត៌មាននិងឌីជីថល កសិឧស្សាហកម្ម និងទីផ្សារឌីជីថល បានចូល​ជួប​ស​ម្តែងការគួរសមជាបន្តបន្ទាប់ផងដែរ ដូចជា៖ ១. ក្រុមហ៊ុន Yazaki Wiring System, ២. ក្រុ​ម​ហ៊ុ​​ន សហព័ន្ធសេដ្ឋកិច្ចតំបន់កាន់សៃ ៣. ក្រុមហ៊ុន Sumitomo Corporation ៤. ក្រុមហ៊ុន Phar​ma Foods International ៥. ក្រុមហ៊ុន Ehime Package និងក្រុមហ៊ុនHyogo Pulp Indus try ៦. ក្រុមហ៊ុន Kojima Holding Co.,Ltd, ៧. ក្រុមហ៊ុន Minebea Mitsumi, ៨. ក្រុមហ៊ុន Meiji Co.,Ltd និងក្រុមហ៊ុន Meiji Holding Co.,Ltd, ៩. ក្រុមហ៊ុន Sumi (Cambodia) Wiring System s Co.,Ltd, ១០. ក្រុមហ៊ុន Toyota Tsusho Manufacturing , ១១. ក្រុមហ៊ុន AEON Mall Co.,Ltd, ១២, ក្រុមហ៊ុន NTT DOCOMO, INC. ១៣. ក្រុមហ៊ុន DMG MORI Co.,Ltd, ។សេច​ក្តី​ប្រ​កា​សព័​ត៌មា​ន របស់ក្រសួងការបរទេស និងសហប្រតិបត្តិការអន្តរជាតិ បានឱ្យដឹង​អញ្ជើ​ញអមដំណើរ សម្ដេចធិបតី រួមមាន ឯក​ឧ​ត្ត​ម ស៊ុន ចាន់ថុល ឧបនាយករដ្ឋមន្ត្រី និងជា​អនុ​ប្រធានទី១ នៃក្រុមប្រឹក្សាអភិវឌ្ឍន៍កម្ពុជា ឯក​ឧ​ត្តមបណ្ឌិតសភាចារ្យ ហង់ ជួនណារ៉ុន ឧប​នា​យករដ្ឋមន្ត្រី និងជារដ្ឋមន្ត្រីក្រសួងអប់រំ យុវជន និងកីឡា ឯកឧត្តម សុខ ចិន្តាសោភា ឧប​នាយ​ករដ្ឋមន្ត្រី និងជារដ្ឋមន្ត្រីការបរទេស និង​ស​ហ​ប្រ​​តិបត្តិការអន្តរជាតិ និងរដ្ឋមន្ត្រីមួយចំនួន មន្ត្រី​ជា​ន់ខ្ពស់នៃរាជរដ្ឋាភិបាល ព្រមទាំងថ្នា​ក់ដឹ​កនាំ​វិស័យឯកជននៃសភាពាណិជ្ជកម្មកម្ពុជានិង​សមាគមឧកញ៉ាកម្ពុជា។កិច្ចប្រជុំកំពូលនេះនឹងក្លាយជាព្រឹត្តិការណ៍

ប្រវត្តិសាស្ត្រមួយទៀតសម្រាប់អាស៊ាននិងជប៉ុនដើម្បីសម្រេចបាននូវគោលដៅរួមក្នុងការលើកកម្ពស់សន្តិភាព ស្ថិរភាព និងវិបុលភាព នៅ​ក្នុ​ង​តំ​បន់ និងជំរុញនូវភាពជាដៃគូយុទ្ធសាស្ត្រគ្រប់ជ្រុងជ្រោយរវាងអាស៊ាន-ជប៉ុន តាមរយៈការ​ចេញនូវសេចក្តីប្រកាសចក្ខុវិស័យរួមស្ដីពីមិត្តភាពនិងសហប្រតិបត្តិការអាស៊ាន-ជប៉ុន និងផែ​ន​ការអនុវត្តសេចក្តីប្រកាសចក្ខុវិស័យរួម ដែលបានបង្កើតឡើងក្រោមមូលបទសំខាន់ៗចំនួន៣ រួ​មមាន៖ (១) ដៃគូចិត្តនិងចិត្តគ្រប់ជំនាន់ (២) ដៃគូសម្រាប់សហបង្កើតសេដ្ឋកិច្ច និងស​ង្គម​នៃ​អ​នា​គតនិង (៣) ដៃគូសម្រាប់សន្តិភាព និងស្ថិរភាព។សេច​ក្តី​ប្រ​កា​សព័​ត៌មា​នដដែលបានបន្ថែមថា ក្នុងឱកាសនៃកិច្ចប្រជុំកំពូល សម្តេចធិបតី នឹង​មា​ន​ជំនួបកំពូលទ្វេភាគីជាមួយ ឯកឧត្តម គីស៊ីដា ហ៊្វូមីអូ ដើម្បីពិភាក្សាអំពីការពង្រឹង និ​ង​ធ្វើ​ឱ្យ​កា​​ន់តែ​ស៊ីជ​ម្រៅនូ​វភា​ព​ជា​ដៃ​គូ​យុ​ទ្ធ​សា​ស្ត្រ​​គ្រប់ជ្រុងជ្រោយរវាងកម្ពុជា និងជប៉ុន ដើម្បី​ផល​ប្រ​យោជន៍​ជាក់ស្តែ​ងស​ម្រាប់​ប្រ​ជា​ជ​ន​ទាំ​ង​ពី​រ។ ភាគីទាំង២នឹងផ្លា​ស់ប្តូ​រទ​ស្សនៈ​លើប​ញ្ហា​តំបន់​និ​ងអន្តរជាតិ ដែលជាក្តីបា​រម្ភ​និង​ផល​ប្រ​យោ​ជន៍រួម ផងដែរ។ បន្ថែមពីនេះ នា​យក​រដ្ឋ​ម​ន្ត្រី​ទាំ​ង​ពីរ នឹងធ្វើជាសាក្សីក្នុ​ងពិ​ធីចុះ​ហ​ត្ថ​លេ​ខា​លើ​លិខិត​ប្ដូរសា​រស្តី​ពីកា​រផ្ត​ល់ហិ​រញ្ញ​ប្បទា​ន​ឥ​ត​សំ​ណ​ងរបស់ជប៉ុន សម្រាប់គម្រោងចំនួនបី ពាក់ព័ន្ធនឹងធារាសាស្ត្រការផ្គត់ផ្គង់ទឹកស្អាត និ​ងរដ្ឋា​ភិ​បាលអេឡិចត្រូនិក ព្រមទាំងឯ​កសា​រ​កិ​ច្ច​​ស​ហប្រតិបត្តិការផ្សេងទៀត​លើវិ​ស័យ​ឌី​ជី​ថ​ល ធ​នា​គារ និងថាមពល។សម្ដេចធិបតីក៏នឹងអញ្ជើញចូលរួមកិច្ចប្រជុំកម្រិតថ្នាក់ដឹកនាំប្រទេសនៃសហគមន៍បំភាយ​ឧស្ម័​ន​សូ​ន្យអាស៊ី(AZEC)ដើម្បីពិភាក្សាអំពីគោលនយោបាយស្តីពីអន្តរការណ៍ថាមពលនិងជំរុញកិច្ចសហប្រតិបត្តិការឆ្ពោះទៅរកការកាត់បន្ថយការបញ្ចេញឧស្ម័នកាបូននៅអាស៊ី។ទន្ទឹមនេះ សម្ដេចធិបតី នឹងមានជំនួបអាហារការងារពេលព្រឹក​ជាមួ​យ​ឯកឧត្តម សនសៃ ស៊ី​ផាន់​ដន នាយករដ្ឋមន្ត្រី នៃសាធារណរដ្ឋប្រជាធិបតេយ្យប្រជាមានិត​ឡា​វ និងឯកឧត្តម ផាម មិញជិញ នាយករដ្ឋមន្ត្រី នៃសាធារណរដ្ឋសង្គមនិយមវៀតណាម ព្រមទាំង​មាន​ជំនួ​ប​ទ្វេ​ភា​គី​ជា​មួយឯកឧត្តម សេដ្ឋា ថាវីស៊ីន នាយក​រដ្ឋ​មន្ត្រី​នៃ​ព្រះ​រា​ជា​ណា​ច​ក្រ​ថៃ។សម្ដេចធិបតីក៏នឹងជួបសំណេះសំណាលជាមួយសហគមន៍ខ្មែរដែលរស់នៅប្រទេសជប៉ុនផ​ងដែរ៕