ស្ថានីយ៍ប្រព្រឹត្តកម្មទឹកកខ្វក់ជើងឯកនៃគម្រោងអភិវឌ្ឍប្រព័ន្ធបង្ហូរទឹកកខ្វក់ក្នុងរាជធានីភ្នំពេញនឹងផ្តល់នូវការចម្រោះទឹកកខ្វក់ក្នុងរាជធានីភ្នំពេញឱ្យបានត្រឹមត្រូវនិងកាត់បន្ថយការបំពុលទឹកក្នុងបឹងជើងឯក។ជាពិសេសរួមចំណែកក្នុងការការពារនិងលើកកម្ពស់គុណភាពទឹកអនាម័យនិងបរិស្ថានរស់នៅជូនដល់ប្រជាជនដែលជាចំណែកយ៉ាងសំខាន់សម្រាប់សុខុមាលភាពនិងជីវភាពរស់នៅប្រចាំថ្ងៃ។នេះបើតាមបញ្ជាក់ឲ្យដឹងពីសម្តេចមហាបវរធិបតីហ៊ុន ម៉ាណែតនាយករដ្ឋមន្ត្រីកម្ពុជា។
![](https://blogger.googleusercontent.com/img/b/R29vZ2xl/AVvXsEiqXgEMbQcRunahRZwrOL3g-GN4-rTGMtVZq5nmshLgQci9tVWzBXshW-W_UjKKvR43mMS_Mt9EknnuDOZyQMWvxPBFLltM1hwvpqAuWTTcBfnrhSSB22XWb421DGgUGYiGj_gLx2VdrraCLk9Zf3tpla_qUy904ahmMAMejHxneZ8T1mQvZi6IpNS2Lcpm/w640-h426/412811217_962674761880978_7451442126303058876_n.jpg) |
|
សម្តេចធិបតីបានថ្លែងថាគម្រោងស្ថានីយប្រព្រឹត្តកម្មទឹកកខ្វក់ជើងឯកនេះគឺដើម្បីសម្អាតទឹកកខ្វក់បង្ហូរចេញពីតំបន់ជម្រាលជើកឯកដែលស្ថិតក្នុងកណ្តាលរាជធានីភ្នំពេញហើយត្រូវបង្ហូរចូលក្នុងបឹងជើងឯកស្ថិតនៅប៉ែកខាងត្បូងរាជធានីមុននឹងបង្ហូរចូលទន្លេបាសាក់ ជាមួយនឹងលទ្ធភាពសម្អាតទឹកកខ្វក់ចំនួន៥,០០០ម៉ែត្រគូបក្នុងមួយថ្ងៃ លើផ្ទៃដីប្រមាណ៣ហិចតា។គម្រោងនេះត្រូវបានសិក្សានិងបង្កើតឡើងក្រោមគំនិតផ្តួចផ្តើមរបស់រដ្ឋបាលសាលារាជធានីភ្នំពេញជាមួយនឹងទីភ្នាក់ងារសហប្រតិបត្តិការអន្តរជាតិជប៉ុន (JICA) តាមរយៈទំនាក់ទំនងនៃមិត្តភាព និងកិច្ចសហប្រតិបត្តិការយ៉ាងរឹងមាំរវាងរាជរដ្ឋាភិបាលកម្ពុជានិងជប៉ុន ហើយនឹងក្លាយជា“ភាពជាដៃគូយុទ្ធសាស្ត្រគ្រប់ជ្រុងជ្រោយកម្ពុជា-ជប៉ុន”។ការថ្លែងបែបនេះក្នុងឱកាសសម្តេចធិបតីអញ្ជើញជាអធិបតី សម្ពោធដាក់ឱ្យប្រើប្រាស់“សមិទ្ធផលគម្រោងអភិវឌ្ឍន៍ប្រព័ន្ធបង្ហូរទឹកកង្វក់ក្នុងរាជធានីភ្នំពេញ”នៅព្រឹកថ្ងៃទី២៧ ខែធ្នូ ឆ្នាំ២០២៣នេះ៕
Post a Comment