មេបញ្ជាការការពារដែនអាកាសអ៊ុយក្រែនព្យាករណ៍ថាប្រទេសនេះនឹងជួបការលំបាកកាន់តែច្រើននៅឆ្នាំ២០២៤ ជាងឆ្នាំ ២០២២ និង ២០២៣ បូកបញ្ចូលគ្នា។ អ៊ុយក្រែនប្រហែលនឹងចេញបញ្ជាចល័តទូទៅថ្មី។
 |
| អគារមួយត្រូវភ្លើងឆេះបន្ទាប់ពីការទម្លាក់គ្រាប់បែករបស់រុស្ស៊ីនៅក្នុងទីក្រុង Avdiivka ភាគខាងកើតអ៊ុយក្រែន។ រូបថត៖ AP |
លោក Vasily Samovar មេបញ្ជាការកងម្លាំងអាកាសចរណ៍ និងការពារដែនអាកាសនៃកងពលតូចទី៣បានប្រាប់ស្ថានីយ៍ទូរទស្សន៍ក្នុងស្រុកDniproTVកាលពីថ្ងៃទី២៣ខែធ្នូថាប្រទេសអ៊ុយក្រែនអាចនឹងចេញបញ្ជាការចល័តនៅឆ្នាំក្រោយ។លោកSamovarបានទទួលស្គាល់ថាភាគីរុស្ស៊ីមានឧត្តមភាពក្នុងទិដ្ឋភាពជាច្រើនចាប់ពីកម្លាំងសេដ្ឋកិច្ច រហូតដល់ចំនួនទ័ពបម្រុង។ តាមលោករុស្ស៊ីកំពុងកសាងកម្លាំងយ៉ាងសកម្មនិងកែសម្រួលសេដ្ឋកិច្ចឱ្យសមស្របតាមតម្រូវការយោធា។កាលពីខែធ្នូប្រធានាធិបតីអ៊ុយក្រែន លោក Volodymyr Zelenskyបាននិយាយថាយោធារបស់ប្រទេសបានស្នើរការចល័តមនុស្សបន្ថែមពី៤៥០,០០០ទៅ៥០០,០០០នាក់ហើយទីក្រុងគៀវចង់បែងចែកប្រាក់បន្ថែមចំនួន១៣.៣ពាន់លានដុល្លារសម្រាប់កិច្ចខិតខំប្រឹងប្រែងនេះ។កន្លងមក រដ្ឋមន្ត្រីការពារជាតិអ៊ុយក្រែន Rustem Umerov បានប្រាប់កាសែតអាល្លឺម៉ង់Bildថាបុរសអ៊ុយក្រែនទាំងអស់ដែលមានអាយុយោធាដែលរស់នៅបរទេសនឹងត្រូវបានកោះហៅទៅកាន់មជ្ឈមណ្ឌលជ្រើសរើសយោធា។យ៉ាងណាក៏ដោយ ក្រសួងការពារជាតិក្រោយមកបានបដិសេធយ៉ាងប្រញាប់ប្រញាល់ចំពោះផែនកានេះ។ក្រុងគៀវកំពុងតស៊ូជាមួយការវាយលុកដែលបានចាប់ផ្តើមនៅរដូវក្តៅ។ប៉ុន្តែមិនទាន់បាននាំមកនូវការផ្លាស់ប្តូរសំខាន់ៗណាមួយចំពោះជួរមុខនោះទេ។ទន្ទឹមនឹងនេះ ការបាត់បង់ជីវិតមនុស្សក៏ដូចជាការបាត់បង់សម្ភារធុនធ្ងន់មិនតិចទេ ។យោងតាមRTអ្នកគាំទ្រលោកខាងលិចនៃអ៊ុយក្រែនហាក់ដូចជាបានចាប់ផ្តើមសង្ស័យលើការរំពឹងទុករបស់អ៊ុយក្រែនបន្ទាប់ពីការវាយលុកនៅរដូវក្តៅនាំមកនូវការផ្លាស់ប្តូរតិចតួចនៅជួរមុខ។កាលពីខែធ្នូសមាជិកសភាអាមេរិកបាននិយាយថាទាំងទីក្រុងវ៉ាស៊ីនតោននិងទីក្រុងគៀវមិនបានបង្ហាញពីយុទ្ធសាស្ត្រឈ្នះៗច្បាស់លាស់នោះទេ បន្ទាប់ពីប្រធានាធិបតីអ៊ុយក្រែន លោក VolodymyrZelenskyបានធ្វើដំណើរទៅកាន់សហរដ្ឋអាមេរិក។ទាំងទីក្រុងវ៉ាស៊ីនតោននិងទីក្រុងប្រ៊ុចសែលក៏កំពុងព្យាយាមយល់ព្រមលើកញ្ចប់ជំនួយបន្ទាប់សម្រាប់អ៊ុយក្រែនផងដែរ៕
/unnamed.png
Post a Comment