អាស៊ាន​-ជប៉ុនសម្លឹងឆ្ពោះ​ទៅអនាគត

 ភាគីទាំង២បានឯកភាពគ្នាក្នុងការអភិវឌ្ឍន៍ទំនាក់ទំនងក្នុងលក្ខណៈជាក់ស្តែងនិងប្រកបដោយប្រសិទ្ធភាពសមស្របនឹងស្ថានភាពនៃភាពជាដៃគូយុទ្ធសាស្ត្រគ្រប់ជ្រុងជ្រោយ។នាថ្ងៃទី១៧ខែធ្នូ នៅទីក្រុងតូក្យូ-ជប៉ុននាយករដ្ឋមន្ត្រី កម្ពុជានិងថ្នាក់ដឹកនាំនៃបណ្តាប្រទេសអាស៊ាននិងជប៉ុនបានចូលរួមកិច្ចប្រជុំកំពូលរំលឹកខួបលើកទី៥០នៃទំនាក់ទំនងអាស៊ាន-ជប៉ុន។នៅក្នុងសន្និសីទនេះ ភាគីទាំង២បានឯកភាពរក្សានិងជំរុញការផ្លាស់ប្តូរពាណិជ្ជកម្មនិងវិនិយោគ រក្សាស្ថិរភាពផលិតកម្មនិងសង្វាក់ផ្គត់ផ្គង់ក្នុងតំបន់និងបង្កើតលក្ខខណ្ឌអំណោយផលបន្ថែមទៀតសម្រាប់ការនាំចេញទៅកាន់ទីផ្សារទៅវិញទៅមក។ ទន្ទឹមនឹងនោះអាស៊ាននិងជប៉ុននឹងជំរុញផ្នែកថ្មីនៃកិច្ចសហប្រតិបត្តិការជាមួយនឹងសក្តានុពលដ៏អស្ចារ្យដូចជាសេដ្ឋកិច្ចបៃតងសេដ្ឋកិច្ចឌីជីថល និងសេដ្ឋកិច្ចរង្វង់។ថ្នាក់ដឹកនាំក៏បានប្តេជ្ញាពង្រឹងកិច្ចសហប្រតិបត្តិការលើវិស័យជាច្រើនដូចជាការផ្លាស់ប្តូរប្រជាជននិងប្រជាជនកិច្ចសហប្រតិបត្តិការទេសចរណ៍ នវានុវត្តន៍ ការផ្លាស់ប្តូរឌីជីថល ថាមពល ការឆ្លើយតបនឹងការប្រែប្រួលអាកាសធាតុនិងការធានាសន្តិសុខសមុទ្រ…។

រូបភាពVNA

មេដឹកនាំនៃបណ្តាប្រទេសអាស៊ានបានស្វាគមន៍ប្រទេសជប៉ុនដើម្បីចាត់ទុកអាស៊ានជាអាទិភាពមួយនៃគោលនយោបាយការបរទេសរបស់ខ្លួនជាទូទៅ និងយុទ្ធសាស្ត្រឥណ្ឌូប៉ាស៊ីហ្វិក(FOIP) របស់ជប៉ុនជាពិសេស។ ប្តេជ្ញាបន្តគាំទ្រអាស៊ានក្នុងការកសាងសហគមន៍និងលើកកម្ពស់តួនាទីកណ្តាលរបស់ខ្លួននៅក្នុងតំបន់។ក្នុងឱកាសនេះនាយករដ្ឋមន្ត្រីជប៉ុន Kishida Fumioបានប្រកាសផ្តល់ជំនួយចំនួន៤០ពាន់លានយ៉េនសម្រាប់ការផ្លាស់ប្តូររវាងប្រជាជននិងប្រជាជនកិច្ចសហប្រតិបត្តិការវប្បធម៌និងអប់រំនិង១៥ ពាន់លានយ៉េនសម្រាប់កម្មវិធីផ្លាស់ប្តូរបុគ្គលិកស្រាវជ្រាវអន្តរជាតិ។ពិភាក្សាលើបញ្ហាអន្តរជាតិនិងតំបន់មួយចំនួនថ្នាក់ដឹកនាំបានចាត់ទុកថា ចាំបាច់ត្រូវពង្រឹងកិច្ចសហប្រតិបត្តិការដើម្បីរក្សាបរិយាកាសសន្តិភាព និងស្ថិរភាពសម្រាប់ការអភិវឌ្ឍន៍លើកកំពស់វប្បធម៌សន្ទនានិងដោះស្រាយជម្លោះដោយសន្តិវិធីនៃច្បាប់អន្តរជាតិរួមទាំងអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ១៩៨២(UNCLOS)៕