កម្ពុជារំពឹង​ថានឹងមានកំណើន៥​.៦ភាគរយនៅឆ្នាំ២០២៣​និងបន្តកើនឡើង៦.៦ភា​គរយនៅឆ្នាំ២០២​៤

នាព្រឹកថ្ងៃទី២៣ ខែវិច្ឆិកា​ ឆ្នាំ២០២៣នេះសម្តេចធិបតី ហ៊ុន ម៉ាណែត បានអញ្ជើញចូលរួមសន្និសីទចក្ខុវិស័យប្រទេសកម្ពុជាឆ្នាំ២០២៣ បានបង្ហាញក្ដីរំពឹងថាកម្ពុជានឹងសម្រេចបាននូវកំណើនសេដ្ឋកិច្ចក្នុងអត្រា ៥.៦ភាគរយនៅឆ្នាំ២០២៣និងបន្តនូវកំណើនកាន់តែលឿននៅឆ្នាំ ២០២៤ ជាមួយនឹងអត្រាកំណើន ៦.៦ ភាគរយ ។សម្តេចមហាបវរធិបតី ហ៊ុន ម៉ាណែតនាយករដ្ឋមន្ត្រីនៃកម្ពុជាមានប្រសាសន៍ថា៖«ជាមួយនិងការដាក់ចេញគោលនយោបាយអាទិភាពនិងការអនុវត្តវិធានការគន្លឹះនិងវិធានការមុតស្រួចនានាដែលត្រូវបានដាក់ចេញកន្លងមកនិងវិធានការបុរេសកម្មផ្សេងៗ នាពេលខាងមុខកម្ពុជារំពឹងថានឹងសម្រេចបាននូវកំណើនសេដ្ឋកិច្ចក្នុងអត្រា៥.៦ភាគរយនៅឆ្នាំ២០២៣និងបន្តនូវកំណើនកាន់តែលឿននៅឆ្នាំ ២០២៤ ជាមួយនឹងអត្រាកំណើន ៦.៦ ភាគរយ ។  

ទោះបីមានការរំពឹងបែបនេះក៏ដោយប្រមុខរាជរដ្ឋាភិបាលក៏មិនភ្លេចលើកឡើងនូវកត្តាប្រឈមដែលអាចកើតមានឡើ់ងផងដែរដោយសម្តេចបញ្ជាក់ថា៖«ប្រាកដណាស់ថាទស្សនវិស័យកំណើននេះក៏អាចប្រឈមនឹងបញ្ហាហានិភ័យមួយចំនួនខណៈដែលស្ថានភាពបច្ចុប្បន្នមានភាពមិនប្រាកដប្រជាខ្ពស់នៅឡើយ។ក្នុងន័យនេះកម្ពុជាត្រូវប្រកាន់យកស្មារតីកែទម្រង់ជាប្រចាំនិងបុរេសកម្មជានិច្ចដោយព្យាយាមកសាងឱ្យបាននូវភាពធន់និងជំរុញពិពិធកម្មសេដ្ឋកិច្ច៕