រដ្ឋសភាបានអនុម័តលើការធានាការទូទាត់របស់រដ្ឋាភិបាលដល់ក្រុមហ៊ុនឯកជនដែលបានវិនិយោគលើគម្រោងថាមពលស្អាតចំនួន៦នៅកម្ពុជា ដែលមានសមត្ថភាពសរុបចំនួប៦៧០មេហ្គាវ៉ាត់។
 |
| រូបតំណាង។សហការី |
គម្រោងទាំងនេះរួមមានគម្រោងអភិវឌ្ឍថាមពលពន្លឺព្រះអាទិត្យចំនួន៤ នៅខេត្តព្រៃវែង ពោធិ៍សាត់ ស្វាយរៀង និងកំពង់ឆ្នាំង រួមនឹងគម្រោងវារីអគ្គិសនីចំនួន ២ នៅខេត្តកោះកុង។ រដ្ឋសភាជឿជាក់ថាការបណ្តាក់ទុនទាំងនេះនឹងធ្វើឱ្យការផ្គត់ផ្គង់ថាមពលមានស្ថិរភាព និងជួយកាត់បន្ថយតម្លៃថាមពលនៅក្នុងប្រទេស។គម្រោងដែលបានអនុម័តត្រូវបានគេមើលឃើញថាមានសារៈសំខាន់ក្នុងការអនុវត្តគោលនយោបាយរបស់រដ្ឋាភិបាល ដោយជួយជំរុញសេដ្ឋកិច្ច លើកកម្ពស់ការអភិវឌ្ឍសង្គម និងការកាត់បន្ថយភាពក្រីក្រ។ លើសពីនេះទៀត ក្រុមហ៊ុនទាំងនេះត្រូវបានគេរំពឹងថានឹងផ្តល់អគ្គិសនីស្អាត កាត់បន្ថយការបំភាយកាបូន ការពារបរិស្ថាន និងរួមចំណែកដល់កិច្ចខិតខំប្រឹងប្រែងទប់ស្កាត់នូវការផ្លាស់ប្តូរអាកាសធាតុ។សម័យប្រជុំដឹកនាំដោយលោក ហេង សំរិន ប្រធានរដ្ឋសភា រួមទាំងសមាជិកប្រមាណ ១១១រូប បានសង្កត់ធ្ងន់លើសារៈសំខាន់នៃសន្តិសុខថាមពលសម្រាប់វិស័យផលិតកម្មក្នុងស្រុក។ ការទទួលបានថាមពលដែលមានតម្លៃសមរម្យ និងអាចទុកចិត្តបានគឺមានសារៈសំខាន់សម្រាប់រក្សាតម្លៃផលិតកម្មទាប និងរក្សាភាពប្រកួតប្រជែងនៅក្នុងទីផ្សារក្នុងតំបន់ និងអន្តរជាតិ។យោងតាមអាជ្ញាធរអគ្គិសនីកម្ពុជា ម្ចាស់ពាណិជ្ជកម្ម និងឧស្សាហកម្មខ្នាតមធ្យម និងធំបានប្រើប្រាស់អគ្គិសនីអស់ប្រមាណ ៥,២៣៦.៤៦ ជីហ្គាវ៉ាត់ម៉ោង (GWh) ក្នុងឆ្នាំ២០២២ ដែលបង្ហាញពីការកើនឡើងនៃការប្រើប្រាស់ជាមធ្យមរបស់អតិថិជនម្នាក់បើធៀបនឹងឆ្នាំ២០១៩។សមត្ថភាពថាមពលដែលបានដំឡើងនៅក្នុងប្រទេសកម្ពុជាបានឈានដល់ ៤,៤៩៥ មេហ្កាវ៉ាត់ នៅចុងឆ្នាំ២០២២ ដែលស្មើនឹង៦២ភាគរយនៃបណ្តាញជាតិដែលដំណើរការដោយប្រភពថាមពលស្អាត រួមមានវារីអគ្គិសនី ថាមពលព្រះអាទិត្យ និងជីវម៉ាស។ ថាមពលអគ្គិសនីជាង ១,០០០មេហ្កាវ៉ាត់ ត្រូវបាននាំចូលពីប្រទេសជិតខាងផងដែរ រួមមាន វៀតណាម ថៃ និងឡាវ។គំនិតផ្តួចផ្តើមថាមពលស្អាតទាំងនេះជាជំហ៊ានសំខាន់មួយឆ្ពោះទៅរកការសម្រេចបាននូវគោលដៅថាមពលប្រកបដោយនិរន្តរភាពនៅក្នុងប្រទេសកម្ពុជា និងធានានូវអនាគតថាមពលដែលមានស្ថិរភាព និងបៃតងសម្រាប់ប្រទេសជាតិ៕Solar Quarter.com/KhmerTimes
/unnamed.png
Post a Comment