រុស្ស៊ី​និយា​​​យ​​ថា​​បច្ចុប្បន្ន​មិន​​មា​ន​​ដំ​​ណោះស្រាយ​ដោ​យ​​សន្តិវិធី​សម្រាប់​អ៊ុ​​យក្រែន​ទេ​(TASS/Uk​rain​skaPr​av​da)

 រុស្ស៊ីបាននិយាយថាខ្លួនអាចប្រើមធ្យោបាយយោធាតែប៉ុណ្ណោះ ដើម្បីសម្រេចបាននូវគោលដៅរបស់ខ្លួនក្នុងប្រទេសអ៊ុយក្រែន ហើយមិនបានឃើញលក្ខខណ្ឌណាមួយសម្រាប់ការផ្លាស់ប្តូរទៅកាន់ដំណើរការសន្តិភាពនោះទេ។អ្នកនាំពាក្យវិមានក្រឹមឡាំងលោក Dmitry Peskovបានប្រាប់អ្នកយកព័ត៌មានកាលពីថ្ងៃទី១៣ខែមីនាថា "មិនមានហេតុផលណាមួយដែលស្ថានភាពនៅអ៊ុយក្រែនអាចប្រែទៅជាសន្តិភាពនៅពេលនេះទេ។លោកPeskovបានច្រានចោលទស្សនៈរបស់អតីតប្រធានសន្និសីទទីក្រុង Munich លោក Wolfgang Ischingerដែលថាលោកខាងលិចគួរតែគិតអំពីដំណើរការសន្តិភាពនៅអ៊ុយក្រែននិងបង្កើតក្រុមទំនាក់ទំនងមួយ។អ្នកនាំពាក្យវិមានក្រឹមឡាំងបាននិយាយនៅពេលសួរថា"ទេ យើងមិនគិតដូច្នេះទេ"។លោក Ischingerធ្លាប់បានស្នើឲ្យមានការបង្កើតក្រុមសម្របសម្រួលជម្លោះក្នុងប្រទេសអ៊ុយក្រែនដែលមានសហរដ្ឋអាមេរិក ចក្រភពអង់គ្លេស បារាំង អាល្លឺម៉ង់ និងអង្គការអន្តរជាតិដូចជាអង្គការសហប្រជាជាតិ(UN) សហភាពអឺរ៉ុប(EU)និងអង្គការណាតូ។លោក​ស្នើ​ឲ្យ​ក្រុម​សម្រុះសម្រួល​ត្រូវ​ជួប​ភាគី​ជម្លោះ​ជា​ប្រចាំ​នៅ​ថ្នាក់​រដ្ឋមន្ត្រី។ដំណោះស្រាយដោយសន្តិវិធីចំពោះអ៊ុយក្រែន បានទទួលការចាប់អារម្មណ៍កាន់តែខ្លាំងនាពេលថ្មីៗនេះ បន្ទាប់ពីប្រទេសចិនបានប្រកាសគោលនយោបាយ១២ ចំណុចលើបញ្ហានេះ។ទីក្រុងប៉េកាំងបានអំពាវនាវឱ្យភាគីទាំងអស់គាំទ្រទីក្រុងម៉ូស្គូនិងគៀវឱ្យបន្តកិច្ចសន្ទនាវិបត្តិឡើងវិញហើយបានសម្តែងការប្រឆាំងចំពោះការប្រើប្រាស់ឬការគំរាមកំហែងនៃការប្រើប្រាស់អាវុធនុយក្លេអ៊ែរដោយសង្កត់ធ្ងន់លើតម្រូវការការពារប្រជាជនស្លូតត្រង់។ ចិន​ក៏​ប្រឆាំង​នឹង​ទណ្ឌកម្ម​ឯកតោភាគី​ដែល​មិន​បាន​អនុម័ត​ដោយ​ក្រុមប្រឹក្សា​សន្តិសុខ​អង្គការ​សហប្រជាជាតិ។រុស្ស៊ី បេឡារុស្ស គាំទ្រផែនការសន្តិភាពរបស់ចិន។ទោះបីជាយ៉ាងណាក៏ដោយ សហភាពអឺរ៉ុបនិងអង្គការណាតូបាននិយាយថាផែនការដែលស្នើឡើងដោយប្រទេសចិនមិនមែនជាការឆ្លុះបញ្ចាំងគ្រប់គ្រាន់នៃសង្គ្រាមនោះទេហើយថាទីក្រុងប៉េកាំងមិនមានអព្យាក្រឹតគ្រប់គ្រាន់ក្នុងការសម្រុះសម្រួលនោះទេ។រុស្ស៊ី-អ៊ុយក្រែនបានផ្អាកការចរចាតាំងពីខែមីនា ឆ្នាំ២០២២ហើយជម្លោះរវាងប្រទេសទាំង២មិនបានបង្ហាញសញ្ញាណាមួយនៃការចុះត្រជាក់បន្ទាប់ពីជាង១ឆ្នាំ។រុស្ស៊ីបាននិយាយម្តងហើយម្តងទៀតថាអរិភាពនឹងបញ្ឈប់បានតែនៅពេលដែលពួកគេសម្រេចបាននូវគោលដៅដែលបានកំណត់ខណៈដែលអ៊ុយក្រែនទទូចថាជម្លោះនឹងបញ្ចប់តែនៅពេលដែលខ្លួនដណ្តើមបានទឹកដីទាំងអស់ឡើងវិញរួមទាំងខេត្តចំនួន៤និងឧបទ្វីបគ្រីមៀដែលទីក្រុងម៉ូស្គូបានប្រកាសដាក់បញ្ចូល៕

អ្នកនាំពាក្យវិមានក្រឹមឡាំងលោក Dmitry Peskov។AFP