EUបដិ​សេធ​​គំនិ​ត​បញ្ជូន​យ​​ន្តហោះ​ចម្បាំ​ង​​​ទៅ​អ៊ុយ​ក្រែន(Pravda,​Kyiv​Inde​pen​dent)

ប្រធានគោលនយោបាយការបរទេសរបស់សហភាពអឺរ៉ុបលោកJosep Borrell បានច្រានចោលគំនិតនៃការបញ្ជូនយន្តហោះចម្បាំងទៅកាន់អ៊ុយក្រែន ដោយបានហៅវាថាជាបញ្ហាដ៏ចម្រូងចម្រាស។តំណាងជាន់ខ្ពស់ទទួលបន្ទុកកិច្ចការបរទេសនិងគោលនយោបាយសន្តិសុខរបស់សហភាពអឺរ៉ុប លោក Josep Borrellបានប្រាប់អ្នកកាសែតនៅទីក្រុងប្រ៊ុចសែលថា"ការផ្គត់ផ្គង់យន្តហោះចម្បាំងទៅឱ្យអ៊ុយក្រែននាពេលនេះ មិនមែនជារបៀបវារៈរបស់សហភាពអឺរ៉ុប (EU)ទេ" ។លោក Borrell បាន​និយាយ​ថាការ​ផ្គត់ផ្គង់​សព្វាវុធ​នេះ​គឺ​ជា​បញ្ហា​ដ៏ចម្រូងចម្រាស​មួយ​ក្នុង​ចំណោម​ប្រទេស​សមាជិក​សហភាព​អឺរ៉ុប។មន្ត្រីសហភាពអឺរ៉ុបបានសង្កត់ធ្ងន់ថា"ការងាររបស់ខ្ញុំគឺដើម្បីព្យាយាមឈានដល់ការឯកភាពគ្នាហើយវិធីដ៏ល្អបំផុតមួយគឺមិនត្រូវទទួលយកនូវអ្វីដែលអាចបង្កគ្រោះថ្នាក់"ដោយបន្ថែមថាឥឡូវនេះរដ្ឋជាសមាជិកទាំង២៧គួរតែផ្តោតលើការរក្សាការប្តេជ្ញាចិត្តនិងការបញ្ជូនរថក្រោះទៅកាន់អ៊ុយក្រែន។ការអត្ថាធិប្បាយរបស់លោកBorrellបានធ្វើឡើងបន្ទាប់ពីប្រទេសបារាំងបានបើកលទ្ធភាពក្នុងការផ្គត់ផ្គង់យន្តហោះចម្បាំងដល់អ៊ុយក្រែនខណៈដែលប្រទេសផ្សេងទៀតដូចជាសហរដ្ឋអាមេរិក អាល្លឺម៉ង់ និងអង់គ្លេសមិនបានពិភាក្សាអំពីជំហានបែបនេះទេ។ នៅក្នុងសន្និសីទសារព័ត៌មានមួយកាលពីដើមសប្តាហ៍នេះប្រធានាធិបតីបារាំងលោកEmmanuelMacronបាននិយាយថា"គ្មានជម្រើសណាមួយត្រូវបានច្រានចោល" ប៉ុន្តែបានបន្ថែមថាគាត់មិនបានទទួលសំណើសម្រាប់យន្តហោះចម្បាំងពីអ៊ុយក្រែនទេ។ទាក់ទង​នឹង​ស្ថានភាព​យោធា លោក Borrell បាន​ព្រមាន​ថា រុស្ស៊ី​អាច​បើក​ការ​វាយ​ប្រហារ​ពី​ភាគ​ខាងជើង​អ៊ុយក្រែន។ លោក​មិន​បាន​ច្រានចោល​លទ្ធភាព​ដែល​រុស្ស៊ី​វាយប្រហារ​ពី​ទឹកដី​បេឡារុស្ស​ដើម្បី​បំបែក​កង​កម្លាំង​អ៊ុយក្រែន​ទេ។លោកបាននិយាយថា “ខ្ញុំមិនគិតថាវានឹងកើតឡើងនោះទេ ។ប៉ុន្តែគ្មាននរណាម្នាក់ដឹងច្បាស់នោះទេ”ដោយព្រមានថាប្រសិនបើការវាយលុកដ៏ធំថ្មីមួយត្រូវបានចាប់ផ្តើមរុស្ស៊ីនឹងធ្វើវាមុនពេលដែលកងទ័ពអ៊ុយក្រែនទទួលបានរថក្រោះពីលោកខាងលិច។រដ្ឋមន្ត្រីការបរទេសអ៊ុយក្រែន លោក Dmytro Kulebaបាននិយាយកាលពីថ្ងៃទី២៥ខែមករាថាបន្ទាប់ពីលោកខាងលិចបានសន្យាផ្តល់រថក្រោះទំនើបដល់អ៊ុយក្រែនកិច្ចការថ្មីមួយរបស់គៀវគឺទទួលបានយន្តហោះចម្បាំងតាមបែបលោកខាងលិច។ មន្ត្រី​អ៊ុយក្រែន​បាន​ផ្តល់​សញ្ញា​ថា​ប្រភេទ​យន្តហោះ​ចម្បាំង​ដែល​ពួកគេ​ចង់​មាន​បំផុត​គឺ F-16 ដែល​ផលិត​ដោយ​អាមេរិក៕ 

មន្ត្រីគោលនយោបាយការបរទេសរបស់សហភាពអឺរ៉ុប(EU) លោក Josep Borrell ថ្លែងក្នុងសន្និសីទសារព័ត៌មានស្តីពីវិបត្តិអ៊ុយក្រែននៅទីក្រុងប្រ៊ុចសែល ប្រទេសបែលហ្សិក ខែកញ្ញា ឆ្នាំ២០២២។ រូបថត៖Reuters។