ដាច់ខ្សែកាបធ្លាក់ចុះ កម្មកររុះរើអគារកាស៊ីណូដែលឆេះ បណ្តាលអោយរបួសធ្ងន់
ខេត្តបន្ទាយមានជ័យ ៖ កម្មកររុះរើអគារកាស៊ីណូម្នាក់ជួបគ្រោះថ្នាក់ដាច់ខ្សែកាបធ្លាក់ បណ្តាលឱ្យធ្លាយគ្រឿងក្នុងនិងឈាម កក ក្នុងពោះ ដោយបានធ្វើការវះកាត់បានរួចផុតពីគ្រោះថ្នាក់ហើយ និងកំពុងសម្រាកព្យាបាលនៅមន្ទីរពេទ្យមិត្តភាពកម្ពុជា-ជប៉ុនមង្គលបូរី ខេត្តបន្ទាយមានជ័យ នៅថ្ងៃទី០៧ កុម្ភៈ ២០២៣។
លោកវេជ្ជបណ្ឌិត ទុ បារាំង ប្រធានមន្ទីពេទ្យមិត្តភាពកម្ពុជា-ជប៉ុនមង្គលបូរីបានប្រាប់ថា ជនរងគ្រោះមានឈ្មោះជីវ ភឿក ភេទប្រុស អាយុ៥០ឆ្នាំ មុខរបជាកម្មកររុះអគារ រស់នៅភូមិក្បាលកោះ សង្កាត់ប៉ោយប៉ែត ក្រុងប៉ោយប៉ែត។
លោកបានបញ្ជាក់ថា ជនរងគ្រោះឈ្មោះ ជីវ ភឿក បញ្ជូនចេញពីមន្ទីពេទ្យបង្អែកក្រុងប៉ោយប៉ែត ដឹកមកកាន់មន្ទីរពេទ្យមិត្តភាពកម្ពុជា-ជប៉ុនមង្គលបូរី ដើម្បីសង្គ្រោះបន្ទាន់ ។ លុះមកដល់យប់ថ្ងៃទី០៧ ខែកុម្ភៈ ឆ្នាំ២០២៣ ហើយក្រុមគ្រូពេទ្យបានធ្វើការពិនិត្យតាមបច្ចេកទេសឃើញថា ជនរងគ្រោះធ្លាយគ្រឿងក្នុងឬពោះវៀនបណ្តាលឈាមដកក្នុងពោះចុកឈឺធ្ងន់ធ្ងរ ។
លោកវេជ្ជបណ្ឌិត ទុ បារាំង បានបញ្ជាក់ថា ក្រោយ ស្ថានភាព អ្នកជំងឺឈឺធ្ងន់ធ្ងរ ត្រូវបានសង្គ្រោះបន្ទាន់ដោយធ្វើការវះកាត់ទាំងយប់រំលងអធ្រាត្ រចូលថ្ងៃទី០៨ ខែកុម្ភៈ ឆ្នាំ២០២៣ ក្រោយធ្វើការវះកាត់រយៈពេលជិត២ម៉ោងទើបរួចរាល់ដោយលាងគ្រឿងក្នុងសម្អាត រហូតដល់ព្រឹកឡើងឃើញអាការៈល្អឡើងវិញ រួចផុតពីគ្រោះថ្នាក់។
គួរបញ្ជាក់ថា ជនរងគ្រោះឈ្មោះ ជីវ ភឿក ជាកម្មកររុះរើអគារកាស៊ីណូហ្ក្រេនដាយមិនស៊ីធីដែលឆេះនៅក្រុងប៉ោយប៉ែត ។
សូមរំលឹកផងដែរថា កាលពីយប់ថ្ងៃទី២៨ដល់២៩ ខែធ្នូ ឆ្នាំ២០២២ មានរណីអគ្គិភ័យមួយ បានឆាបឆេះអគារកាស៊ីរបស់ក្រុមហ៊ុនកាស៊ីណូហ្ក្រេនដាយអឺមេនស៊ីធី និងអគារក្រុមហ៊ុនកាស៊ីណូប៉ោយប៉ែតរីសត ដោយមានអ្នកស្លាប់២៧នាក់ និងអ្នករងរបួស៥៧នាក់ ខណៈអគារទាំងពីរខាងលើនេះ ត្រូវបានអាជ្ញាធរសម្រេចឱ្យរុះរើដែលគិតមកដល់ពេលនេះ បានជាង៣០ភាគរយហើយ៕
/unnamed.png
Post a Comment