ទឹកដោះម្តាយ ថ្លៃ! កុមារីតែម្នាក់គត់នៅរស់រានមានជីវិតពីការបា.ញ់ប្រហារក្នុងប្រទេសថៃ
ថៃ ៖ ជីវិតមហាសែនថ្លៃ កុមារី Emmy អាយុ៣ឆ្នាំគឺជាក្មេងតែម្នាក់គត់ ដែលរស់រានមានជីវិតពីការបា.ញ់ប្រហារសម្លា.ប់រង្គា.លដោយអតីតមន្ត្រីប៉ូលិសម្នាក់ កាលពីថ្ងៃទី៦ ខែតុលា ឆ្នាំ២០២២ នៅឯមជ្ឈមណ្ឌលថែទាំកុមារមួយកន្លែង ស្ថិតក្នុងខេត្ត Nong Bua Lam Phu ភាគឦសានប្រទេសថៃ។ ដែលបណ្តាលឱ្យមនុស្សសរុបចំនួន ៣៨នាក់បានស្លា.ប់ ក្នុងនោះរួមទាំងប្រពន្ធ និងកូនរបស់ជនដៃដល់ ហើយក្នុងចំណោមអ្នកស្លា.ប់ទាំងអស់ ២៤នាក់គឺជាកុមារ ។
Emmy បានរស់រានមានជីវិតដោយអព្ភូតហេតុ ខណៈមិត្តរួមថ្នាក់របស់គេទាំងអស់ត្រូវបានសម្លា.ប់រួមជាមួយនឹងបុគ្គលិកមួយចំនួន រួមទាំងគ្រូបង្រៀនម្នាក់ ដែលមានផ្ទៃពោះ៨ខែផងដែរ។
ម្តាយ Emmy ឈ្មោះ Panompai Srithong អាយុ ៣៥ឆ្នាំ ដែលកំពុងធ្វើការនៅទីក្រុងបាងកកបាននិយាយថា «ទីបំផុតជីដូនរបស់ Emmy បានប្រាប់គេថា មិត្តភក្តិនៅសាលារបស់គេបានស្លា.ប់ទាំងអស់ រួមជាមួយនឹងគ្រូរបស់គេផងដែរ ហើយមណ្ឌលថែទាំត្រូវបានបិទ។ Emmy មិនបានគិតពីអ្វីទាំងអស់ដោយគ្រាន់តែចង់ទៅសាលារៀនជារៀងរាល់ថ្ងៃវិញ»។
រហូតមកទល់ពេលនេះ មូលហេតុនៃការវាយប្រហារមិនទាន់ដឹងនៅឡើយទេ ប៉ុន្តែប៉ូលិសបាននិយាយថា ជនដៃដល់ត្រូវបានបណ្តេញចេញពីអង្គភាពកាលខែមិថុនា ដោយសារប្រើប្រាស់ថ្នាំញៀ.ន៕ (ដកស្រង់ចេញពី BBC)
/unnamed.png
Post a Comment