ស្ថានភាពទឹកនៅឃុំសឿង និងឃុំចំណោម ដែលកំពុងរងការលិចលង់ដោយទឹកជំនន់
ឯកឧត្តម កែ គឹមយ៉ាន ឧបនាយករដ្ឋមន្ត្រី រួមជាមួយអាជ្ញាធរមូលដ្ឋាន បានចុះពិនិត្យស្ថានភាពទឹកនៅឃុំសឿង និងឃុំចំណោម ដែលកំពុងរងការលិចលង់ដោយសារទឹកជំនន់ បណ្តាលឱ្យប៉ះពាល់ដល់ប្រជាពលរដ្ឋ ស្ថិតនៅក្នុងស្រុកមង្គលបូរី។
ឯកឧត្តម កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿ.ង និងជាប្រធានក្រុមការងាររាជរដ្ឋាភិបាល ដែលចុះមូលដ្ឋានខេត្តបន្ទាយមានជ័យ បានបញ្ជាក់ថា ក្រោយដឹង អាជ្ញាធរខេត្ត និងមន្ត្រីជំនាញ បានចុះពិនិត្យមើលស្ថានភាពនៅចំណុចប្រឡាយព្រែកសឿ ហើយឃើញថា ទឹកជំនន់ដែលជន់លិចផ្លូវ និងលិចស្រូវប្រជាកសិករ ដោយសារស្ថានភាពទឹកធ្លាក់ពីផ្នែកខាងលើ បានបាក់ទំនប់សំណង់អូរសណ្តាន់ ឃុំល្វារ ស្រុកបវិល ខេត្តបាត់ដំបង ទើបបណ្តាលឱ្យទឹកជន់លិចស្រូវ និងផ្លូវ ហើយអាជ្ញាធរឃុំ និងប្រជាពលរដ្ឋបានធ្វើស្ពានឆ្លងបណ្តោះអាសន្នចំនួន២កន្លែង ដែលជាផ្លូវតភ្ជាប់ពីឃុំសឿ ស្រុកមង្គលបូរី ទៅឃុំតាគង់ ស្រុកម៉ាឡៃ សម្រាប់ប្រជាពលរដ្ឋទៅមកឱ្យបានងា.យស្រួល និងឆាប់រហ័ស។
ក្នុងឱកាសផងដែរ ឯកឧត្តម កែ គឹមយ៉ាន ឧបនាយករដ្ឋមន្ត្រី បានចុះពិនិត្យស្ថានភាពទឹកនៅប្រឡាយព្រែកសឿ និងបានជួយថវិការចំនួន១លានរៀលដល់ក្រុមការងារកំពុងកសាងស្ពានឈើ សម្រាប់ឆ្លងទៅមកចំនួន២កន្លែង ហើយសុំអោយប្រធានមន្ទីរអភិវឌ្ឍន៍ និងជនបទខេត្តបន្ទាយមានជ័យ ត្រូវដាក់គម្រោងកសាងផ្លូវដែលតភ្ជាប់ពីឃុំសឿ ស្រុកមង្គលបូរី ទៅឃុំតាគង់ ស្រុកម៉ាឡៃ សម្រាប់ប្រជាពលរដ្ឋទៅមក និងដឹកកសិផល៕
/unnamed.png
Post a Comment